Canjaen'cho 20:11 - Cofán: Chiga Tevaen'jen

¹¹ Tsomba rande totoa na'su dyaipa'choma gi atte. Tsani dyai'suma'qque gi atte. Pa'cco ande, pa'cco sefacco'qque Tisene ccuyin jaqquia'caen me'i'en da'fa. Tise'pa mani jinchoya'chove me'i'on.

Canjaen'cho 20:11 ပူးပေါင်းရင်းမြစ်များ

Génesis 18:25

Ñoa'me qui oshambi tsa'caen ño'andeccuma egae tsinconsundeccui'ccu fae'ngae fi'ttiye. Nane tsendeccuja fae'ngae egae tsincon'fambi. Me'in, tsa'caen qui tsoña'bi. Nane queja poi aindeccu injama'choma somboen'su, ¿poiyi'ccoma ñotsse in'jan'da ti qui ñotsse tsoña?

Job 9:6

Tise tsonsi andeja oya. Oyasi tsosini jincho'qque joqquitssi'fa.

Salmos 102:26

Osha'cho tsaja sefaqque'su tsu. Tsa'ma queja tsangae can'jeña. Osha'cho tsaja sarupa'caen tssoruve dapa congoña. Nane ondiccu'jema cambianqquia'caen queja tsama ccaningae tsonsi tsu tsa'caen ccaningae daya.

Isaías 6:1

Na'su Uzías pasi tsa canqque'fa gi Na'su Chiga can'jen'choma atte. Tise sefa'tssia dyaipa'chonga dyaisi tise ondiccu'je'cho ñotssia Chiga ettinga on'ba.

Daniel 2:35

Tse'faei'ccuyi tsu yoshava, apicha, cu'a yoshava, totoacori, toya'caen ñoa'me cori'qque jimbitsse vuvu sheque. Nane coejefani trigoma qquesho'jesi fingian ttonoma metsse angaqquia'caen tsu ni minga'vieyi'qque jinchombitsse vuvu sheque. Tsa'ma tsa patu vuvian shequian'suja tse'ttinga ccuipa rande ccotta'ccove dasi pa'cco andema picco.

Mateo 11:22

Nane ñoa'me gi su: Injama'choma somboeña'cho a'ta napisi Tiro, Sidón canqquesundeccu tsu que'i aindeccuma bove aiye'pambi'ccoe vana'faya.

Mateo 24:35

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Mateo 25:31

Jesús ti'tsse atesiamba su: —Sefaccone Ji'cho A'i na'suve dapa tise sefacconi'su shondosundeccui'ccu jipa tise ñotssia dyaipa'chonga tsu dyaiya.

Romanos 2:5

Tsa'ma que'i injama'cho tsu shacapa que'i egae tsincon'choma chi'gapa Chiganga ji'faye. Tsa'can'fasi Chiga Quitsa tsequi vanaña'cho a'ta a'i injama'choma tansintsse somboe'ninda qui ti'tsse shacapapa vana'faya.

2 Pedro 3:7

Toya'caen ja'ño'su sefaccoma, ja'ño'su andema'qque Chigaja afapa an'bian injama'choma somboeña'cho a'ta napisi si'ngei'ccu oque catiya'chove. Nane tsequi a'ta ega aindeccuma fi'tti catipa sefacco, andema'qque oque catiya'cho.

Canjaen'cho 12:8

Tsa'ma canjansija oshambisi tisema patsupa Chiga sefaccone joqquitssian'fa.

Canjaen'cho 16:20

Poi anttepo'cho me'i'en nepi'fa. Poi ccotta'cco'qque me'i'en da'fa.

Canjaen'cho 19:11

Tsomba gi Chiga sefacco fettaye'choma attepa totoa cavayoma'qque atte. Cavayonga dyaipa jacan'sumbe iniseja “Tansintsse Su'su.” Toya'caen “Tise Suqquia'caen Tson'su.” Tiseja ñotsse in'jamba tsu a'i injama'choma tansintsse somboen'jen. Ñotsse in'jamba tsu ñotsse mandapa geraen'jen.

Canjaen'cho 20:2

Cocoya na'suma, tsa canjansi qquen su'choma, patsupa candenai'ccu tisema tandan. Tsa canjansija tayopi'su iyoa'caen a'ima qqueña'su tsu; cocoya na'su Satana qquen su'cho tsu. Tisema tsu tandan mil canqque'fave ccupambe cañe.

Canjaen'cho 21:1

Tsomba gi cuna sefacco, cuna andema'qque atte. Nane tayo'su sefaccove, tayo'su andeve'qque me'i'on. Tayo'su marve'qque me'i'on.

Canjaen'cho 21:5

Tsonsi na'su dyaipa'chonga dyai'suja su: —Ja'ño gi osha'choma cuname agattoeña. Toya'caen tsu su: —Va su'choma tevaenjan. Ñoa'me tansintssi tsu. Toya'caen pañamba qui tsa'caen tsoña qquen in'jan'faya.

Canjaen'cho 4:2

Qquen susi tse'faei'ccuyi Chiga Qquendya'pa ñama angasi gi atte. Chiga sefacconi tsu na'su dyaipa'choja ccutsu. Tsani tsu na'suja dyai.

Canjaen'cho 6:14

Sefaccoja findi'cho tevaen'jema findiqquia'caen atte'masiave dasi poi ccotta'cco, poi anttepo'cho'qque tisu ccutsu'ttie tsu joqquitssi.