Canjaen'cho 2:27 - Cofán: Chiga Tevaen'jen

²⁷ Nane Chiga Quitsa tsa'caen ñanga anttesi ñajan poi ande'su na'suve dapa quia'me mandaya. Majan ñama pañambian'da gi yoshava'ccoi'ccu apima doñaqquia'caen tise'pama naniaña.

Canjaen'cho 2:27 ပူးပေါင်းရင်းမြစ်များ

Salmos 49:14

Ovejama coira'su ovejama angacanqquia'caen tsu paya'choja vandeccuma atu'ttinga angaya. Sinte a'tasi ño'andeccu ccase qquendyapa tise'pama patsusi tsu congomba tise'pa ai'voja tsangae ande chango atu'ttini jinchoya.

Jeremías 19:11

Doñamba tise'panga qquen suja: ‘Qquen tsu Na'su Osha'choma Oshacho'cho Chigaja su: A'i apima doñaqquia'caen gi va canqque, va aindeccuma'qque nepiaña ccase ñoña'ma'sia've. Ña tsa'caen tsonsi tsu pa'chondeccuma Tofet sinjunccu on'batsse a'tu boña'faya mani faesuma a'tuya'chove metsse.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Lucas 22:29

Chiga ña Quitsaja tayo tsu ñama na'suve manda. Tsonsi tsa'caen gi ña'qque que'ima na'suve manda cuintsu

Juan 17:24

Yaya, va ande meinte queja ñama in'jamba ñama ti'tsse'tssia've tson. In'jan gi cuintsu que in'jaensi ñame in'jan'chondeccu'qque ñai'ccu ña can'jeñani can'jemba que ñama ti'tsse'tssia've tson'choma atte'faye.

Canjaen'cho 12:5

Tsa'ma pushesuja tsandie du'shuve isusi tse'faei'ccuyi du'shuma Chigani angasi Chiga dyaipa'cho jini can'jen. Du'shuja poi ande'su goviernoma mandaya. Nane yoshava'ccoi'ccu mandaqquia'caen tsu quia'me mandaya.

Canjaen'cho 19:15

Na'sumbe aya'fa'ye tsuintssia sundaro matichi sombo eje. Tsai'ccu tiseja poi ande'su nasundeccuma iyiccopa patsuya. Ñoa'me tiseja yoshava'ccoi'ccu tsendeccuma quia'me mandaya. O'fa tsajama tsui'je'cho changonga tsui chapianqquia'caen tiseja poimbe injama'choma somboeña. Chiga Quitsa tsu ñoa'me a'ima iyicca'yepa tsa'caen vinoma somboenqquia'caen tise'pa injama'choma somboeña.