Canjaen'cho 2:23 - Cofán: Chiga Tevaen'jen

²³ Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Canjaen'cho 2:23 ပူးပေါင်းရင်းမြစ်များ

Salmos 44:21

queja tsama'qque atesuye'can. Nane queja ingi injama'cho tsosipie in'jan'choma'qque atesucho.

Mateo 16:27

Ñajan Sefaccone Ji'cho A'i joccapitssia've dapa ccase jiya. Chiga ña Quitsaja ñama ñotssiave canjaensi Chigama sefacconi'su shondosundeccui'ccu jipa gi attiaña. Ñajan tsa'caen attiamba a'i tsonqquia'caen poiyi'cco a'inga afeya. Ñotsse tso'ninda ñotssiama gi afeya. Ega tso'ninda egama gi afeya.

Lucas 16:15

Tsa'ma Jesúsja tise'pama su: —Que'i afopoensi aindeccuja que'ija ñotssi qquen in'jan'fa. Tsa'ma Chiga Quitsaja que'i injama'choma ñotsse atesu. Nane a'i jongoesuve asi'ttaemba ti'tsse'tssi tsu qquen in'jan'ninda Chigaja tsama chi'ga.

Juan 21:17

Tsomba ccase, tercera se iñajampaña: —Simón, Jonás dutssi'ye, ¿aqquia ti qui ñama in'jan? Pedroja ñombi'ye, ja'ño tres se iñajampaña'ba “¿Aqquia ti qui ñama in'jan?” qquen iñajampañasi. Ñombi'yepa su: —Na'su, que qui pa'ccoma atesucho. Que qui atesu ña quema in'jan'choma. Tsonsi Jesúsja su: —Tsa'caenda ña a'ima atesianjan ovejama'caen.

Juan 4:16

Jesúsja su: —Japa ttusengaja que tsa'nduma. Tsomba vani ji'faja.

Tson'fa'cho 1:24

Ccutsiamba Chigama iñajamba su'fa: —Na'su Chiga Quitsa, que qui atesu poi a'i injama'choma. Inginga canjaenjan majan va dos tsandie tsu que in'jan'cho.

Romanos 14:12

Chiga Tevaen'jen tsa'caen susi gi in'jan'fa Chiga ingima iñajampañasi poiyi'cco gi tisu ma'caen tson'chone conda'faya.

Romanos 8:27

Chiga Quitsaja ingi injama'cho in'jan'choma atesupa Chiga Qquendya'pa iñajan'choma'qque in'jan. Nane Chiga Qquendya'paja Chiga in'janqquia'caen tsu Chigama iñajan cuintsu Tise've in'jan'chondeccuma fuiteye.

2 Corinto'su 5:10

Poiyi'cco gi Cristo na'su dyaipa'chonga ccutsu'faya'cho tise ingi tson'chone inginga afaye. Tise afasi gi ingi va ai'voi'ccu can'jemba ma'caen tson'chone isu'faya. Ma'caen tsomba canse'ta gi isu'faya; majan ñotssi, majan egama.

Galacia'su 6:5

Nane poiyi'cco tsu tisupa egae tsincon'choma anduqquia'caen angacaña'cho.

Deuteronomio 19:20

Nane cca'indeccu tsane pañamba dyopa tsa'caen afopoeña'bi faesuma dañoñe.

Hebreo'su 4:13

Nane Tisenga gi pa'cco ingi tson'chone tansintsse condase'faya'cho. Tiseja poiyi'cco Tise agattoensi jincho'choma atesuchopa caña'jen'nijan ¿ma'caen gi a'tu'faya? Nane Tisenejan osha'cho tsu chu'cco ccuiqquia'caen a'tatsse attian'fa.

1 Pedro 1:17

Chigaja fae a'i faesuma ti'tsse'tssi qquen in'jambi. Tsa'ma poiyi'ccoma fae'ngatsse tise'pa tson'chone injama'choma somboeña. Tsa'cansi que'i: “Tiseja ña Yaya” qquen su'ta dyoe'sui'ccu can'jen'faja que'i va andeni canseiteja.

Canjaen'cho 2:11

Majan tsosinapaja Chiga Qquendya'pa Jesúsve in'jamba bo'fa'chonga su'choma paña'faja. Majan patsu'nijan tsangae paya'cho tisema pporaeñe oshambi.

Canjaen'cho 2:7

Majan tsosinapaja Chiga Qquendya'pa Jesúsve in'jamba bo'fa'chonga su'choma ñotsse paña'faja. Majan patsu'nijan tisenga gi antteya cuintsu cansian'su quini'cco'suma an'faye. Tsa quini'ccoja Chigambe ñotssia jini ccutsu.

Canjaen'cho 20:12

Tsomba poiyi'cco pa'chondeccuma atte. Poiyi'cco, majan ti'tsse'tssia, majan utu'ccoa, na'su dyaipa'chonga ccutsu'fa. Ccutsusi tevaen'jema tsu fetta tsama camba poimbe injama'choma somboeñe. Poi a'imbe cansepa ma'caen tson'choma tevaen'jenga tevaeñesi tsama camba pa'chondeccu injama'choma somboen. Toya'caen faesu tevaen'jen, Canseya'cho Tevaen'jema'qque fetta.

Canjaen'cho 20:13

Tsonsi mar tsu pa'cco tiseni ccuipa pa'chondeccuma afepa moen. Pa'cho na'su, pa'cho can'jen'tti'qque tise'pani an'bian'cho pa'chondeccuma afepa moen'fa cuintsu poiyi'cco aindeccu tson'choma canjaensi tise'pa injama'choma somboeñe.

Canjaen'cho 22:12

Na'suta tsu su: —Ju, junde gi jiya. Ña aindeccuma in'jamba afeya'choma gi ipa afeya. Poiyi'cconga tise'pa tsonqquia'caen gi tise'panga afeya.

Canjaen'cho 6:8

Camba gi atte inzutssia cavayoma. Tsani dyai'suja “Pa'chombe Na'su” qquen inisecho'cho. Faesu tisema sepaccofae jiña. Tsaja pa'chondeccu can'jen'ttima canjaen'su, “Si'nge Anchanda'je'tti” qquen inisecho'cho. Tise'panga tsu antte cuintsu poi ande'su a'i'suma enttingeve fi'ttiye. Nane poi cuatro'su a'ima tsu fae'ccove fi'ttiye osha'fa. Nane a'ima in'jaensi tsu geraemba pa'faya. Toya'caen qquipoe'sui'ccu, paqque'sui'ccu tsu pa'faya. Putsa'su ttesi, oncomari, quin'ain'ccu tsu a'ima fitti'tti'faya.

1 Samuel 16:7

Tsa'ma Na'su Chigaja tisema su: “Ni tise camba'ju ni tise quin'suma canjama. Nane tayo gi tisema joqquitssian, a'i canqquiacambi tsu ña a'ima caña'jen'cho. Nane a'ija camba'juma caña'jen. Tsa'ma ñajan a'i injama'cho'su in'jan'choma caña'jen.”