Canjaen'cho 2:20 - Cofán: Chiga Tevaen'jen

²⁰ Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.

Canjaen'cho 2:20 ပူးပေါင်းရင်းမြစ်များ

1 Reyes 16:31

Nane tiseja tsa Nabat dutssi'ye Jeroboam tsonqquia'caen egae tsincomba ti'tsse tsu egae tsincon Jezabelma pushepa. Tsa Jezabel tsu sidóni'su pushesu, tsa andeni'su na'su Et-baal onque'nge. Tisema pushepa tsu Acabja chiga Baalma iñajamba avu'jaen.

1 Reyes 17:13

Tsa'ma Elíasja su: —¡Dyombe canjan! Japa que suqquia'caen matssanjan. Tsa'ma o'tie ñambe tse'ccoan re'rije'ccoe ñoñamba ipa afeja. Ñanga o'tie matssamba afepa omboe quembe, que du'shumbe'qque matssanjan.

1 Reyes 17:4

Tseni can'jemba qui tsa nai'qui'su tsa'ccuma cu'ipa canseya. Toya'caen gi mandaya seña'bama cuintsu anqque'suma ipa quenga afe'jeye.”

Éxodo 34:15

“Tsa andeni cansesundeccui'ccu fae'ngae injancco'fajama, in'jamba'qque tise'pa chiganga afeye iñajan'jemba que'ima'qque ttu'sesi fae'ngae japa tise'pai'ccu tsa afe'cho aña'choma ansa'ne.

Tson'fa'cho 15:20

Tsa'ma tise'panga qquen tevaeñe tsu ñotssi: Osha'cho jongoesuma a'i ñoña'cho chiganga afe'cho tsu an'masia. Tsandienga pushesuma anttembi'choai'ccu can'jen'masia. Anjampama catimbe'yi fi'tti'cho aña'choja an'masia. Anjampa'qque an'masia.

Tson'fa'cho 15:29

Osha'cho jongoesuma a'i ñoña'cho chiganga afe'cho tsu an'masia. Anjampa'qque an'masia. Anjampama catimbe'yi fi'tti'cho aña'choja an'masia. Tsandienga pushesuma anttembi'choi'ccu can'jen'masia. Vama pañamba tson'da qui ñotsse tson'fa. Chigái'ccu.

1 Corinto'su 10:28

Tsambi'ta majan que'inga: “Vata tsu ñoña'cho chiganga afe'cho aña'cho,” qquen su'ninda, tisema pañamba tsa aña'choma anjama.

Canjaen'cho 2:14

Tsa'ma re'riccone gi quema iyu'uya. Tse'tti Pérgamoni tsu can'jen'fa majan a'i Balaam atesian'chove in'jan'chondeccu. Tayopi'su Balaam faesu ande'su na'su Balacma atesian ma'caen israendeccuma qqueñamba patsuye. Tsa'caen atesiansi qqueñasi afopa'cho Chiganga afe'cho aña'choma amba egae tsincon'fa. Toya'caen cca'i'su pushesundeccui'ccu injanga can'jemba tsa'caen egae tsincon'fa. Majan Pérgamosundeccu'qque tsa'caen canse'fa.

Canjaen'cho 2:4

Tsa'ma fae jincho'choveyi qui shacapa: Ñama tayoe in'janqquia'caen qui ja'ño'qque in'jambi.