Canjaen'cho 19:19 - Cofán: Chiga Tevaen'jen

¹⁹ Tsomba dyo'ccoa cocoyama gi ccase atte. Poi ande'su nasundeccu, tise'pa sundarondeccui'ccu dyo'ccoa cocoyanga bo'fa. Bopa totoa cavayonga dyai'sui'ccu, tise sundarondeccui'ccu geraencco'fa.

Canjaen'cho 19:19 ပူးပေါင်းရင်းမြစ်များ

Canjaen'cho 11:7

Tsa'ma tise'pa Chiga Aya'fa afa'choma nanisi dyo'ccova cocoya tsa tsosine ande chango'ye sombopa tise'pai'ccu iyiccopa patsuya. Patsupa tise'pama fi'ttiya.

Canjaen'cho 14:9

Tsendeccuma omboe tsu faesu sefacconi'su shondo'su jipa fundondo'e afa: —Majan a'i tsa dyo'ccoa cocoyama iñajamba tise ñoña'cho cocoyama'qque iñajan'ninda Chigaja tsa a'ima iyicca'yeya. Nane majan a'i tise'pa tsovejunga, tise'pa tivenga cocoya tevaen'choi'ccu tevaenge'ninda Chigaja tsa a'ima iyicca'yeya. Nane vino, tsa'ccui'ccu eyeppumbi'choa'ma cui'ñaqquia'caen tayo tsu Chigaja ñoña tise'pama quia'me vanaeñe. Iyicca'yepa tsu anttembe'yi tise'pama vanaeña. Nane si'nge, ju'rutssia asufrei'ccu tsu tise'pama oquepa vanaeña. Sefacconi'su shondosundeccu, Chigambe Oveja'qque caña'jen'ni tsu dyo'oe vana'faya.

Canjaen'cho 16:14

Tsendeccuja cocoya qquendya'pa tsu. Osha'cho agattoemba canjaen'chove tsu canjaen'fa. Poi ande'su nasundeccuma in'jaeñe tsu ja'fa cuintsu bopa geraen'faye. Nane Chigaja osha'choma oshachopa a'i injama'choma tsu somboeña. Tsequi a'ta pan napijisi tsu nasundeccuja Chigai'ccu iyiccoye bo'faya.

Canjaen'cho 16:16

Nane cocoyandeccu in'jaensi poi ande'su nasundeccu, tise'pa sundarondeccui'ccu, Armagedóni bo'fa. Tsa'caen tsu geraen'jen'ttima inisian'fa hebreo aya'fangae.

Canjaen'cho 18:9

Tise pasi tsu va ande'su nasundeccuja tisene ñombi'yepa i'na'faya. Nane tisei'ccu fae'ngae injanga co'fe cansepa tsu fae'ngae egae tsincon'fa. Tsa'camba tsu tsa canqquema oquesi biane ccutsupa onfen'bama can'boen'faya.

Canjaen'cho 19:21

Toya'caen tise'pa sundarondeccuma'qque tsu fitti'tti. Nane totoa cavayonga dyaipa ja'sumbe aya'fani eje'cho sundaro matichi'ccu tsu tise'pama fitti'tti. Pa'cco pindo, ccompana'qque tte'pputsse tise'pa nama an'fa.