Canjaen'cho 18:8 - Cofán: Chiga Tevaen'jen

⁸ Tsa'caen supa tsu ñoa'me fae a'ta'yi tiseja osha'cho paqque'sui'ccu vanaña. Nane paqque'suma setsapa paya. Vana'jemba i'naña. Aña'chove'qque me'i'onsi qquipoe'suya. Toya'caen si'ngenga tsu ju'ruya. Na'su Chiga Quitsaja osha'choma oshachopa tsu Babiloniambe injama'choma somboeña.

Canjaen'cho 18:8 ပူးပေါင်းရင်းမြစ်များ

Job 9:19

Majan ti'tsse quin'an qquen atesuye in'jan'ni'qque tiseja osha'choma ti'tsse quin'an. Majan ti'tsse ño'an qquen atesuye in'jan'da ¿majan tsu ño'amba tisema ttu'seye osha?

1 Corinto'su 10:22

¿Ma'caen gi Chigama iyicca'yiaña? ¿Ingita ti gi Chigama ti'tsse'tssia, Tisema patsuye?

Canjaen'cho 11:17

qquen supa: Na'su, queja osha'choma oshacho. Tayopi jinchopa ja'ño'qque qui jincho. Tsangae qui jinchoya. Nane osha'choma oshachopa qui ja'ño tsama canjaemba Na'suve da. Na'suve dapa mandasi gi quema ñotsse afa'fa.

Canjaen'cho 17:16

Maqui a'ta tsu dyo'ccoa cocoya, tise diez ontsian'cco nasundeccu'qque, tsa egae tsincon'su pushesuma iyicca'yepa chi'ga'faya. Chi'gapa tsu chu'ccoeyi manda maña'faya. Tise nama'qque amba si'ngei'ccu tisema oque'faya.

Canjaen'cho 17:18

Que atte'cho pushesuja ti'tsse'tssia canqqueve tsu canjaen. Nane poi ande'su na'suma manda'su ti'tsse'tssia canqque tsu.

Canjaen'cho 18:17

Tsa'ma tse'faei'ccuyi tsu fae a'ta pa'cco tise ñotssiaja osefa. Poi mar'ye jacanqque'su shavo nasundeccu, shavongae jacansundeccu, shavonga semasundeccu'qque, nane poiyi'cco majan marnga semamba ganasundeccu'qque biane ccutsupa

Canjaen'cho 18:19

Ñombi'ye'choma canjaeñe in'jamba ande'su ccuttopa'sima tise'pa tsovenga ttovapa i'na'faya. I'namba attuse'jepa su'faya: ¡Ay, va'cha tsu tsa ti'tsse'tssia canqque! Poiyi'cco marni'su shavo nasundeccu tiseni japa tise corifin'di'ccu ricove da'fa. Tsa'ma tse'faei'ccuyi fae a'ta tiseja pa'tssima qqueña.

Canjaen'cho 19:3

Ti'tsse omboe ccase afapa su'fa: ¡Aleluya! Tsangae tsu tisema oquesi onfen'baja ansunde'jeya.