Canjaen'cho 18:16 - Cofán: Chiga Tevaen'jen

¹⁶ I'namba tsu fundondo'e afa'faya: ¡Ay, va'cha tsu tsa ti'tsse'tssia canqque! Ñotssia pushesia'caen tototssia sarupama ondiccupa, na'su inzia, cu'ai'ccu opoemba, cori, bare'cho patu, totoa moyoi'ccu veyaratssia've tsu chanjun'jen.

Canjaen'cho 18:16 ပူးပေါင်းရင်းမြစ်များ

Canjaen'cho 17:3

Tsonsi Chiga Qquendya'pa ñama in'jaensi sefacconi'su shondo'suja a'i menia ñama anga. Tseni angasi gi pushesuma atte. Tsa pushesuja cu'a dyo'ccoa cocoyani dyai. Cocoyaja osha'cho ega inisema tevaengepa siete tsovema tsu an'bian. Siete tsoveni diez ontsian'cco tsu jin.

Canjaen'cho 17:4

Tsa pushesuja ñoncca'a na'su inzia, cu'a sarupama ondiccupa, cori andupama an'du. Toya'caen cori sasiyoma, osha'cho ñotsse bare'cho patu jinchoma, tototssia chhariccotssia moyoma'qque an'du. Tise tivenijan cori tasama an'bian. Tsa tasani tsu osha'cho egae jincho'cho jin. Afambipa egae tsincon'cho'qque tsu tsani jin. Nane tiseja ñoa'me in'jangae canse'pa tsa'caen tasani an'bian.

Canjaen'cho 18:18

Babiloniama oque'je'cho onfen'bama attepa qquen quia'me afa'faya: —¿Minguite tsu qque'an canqqueja jiña?

Canjaen'cho 18:19

Ñombi'ye'choma canjaeñe in'jamba ande'su ccuttopa'sima tise'pa tsovenga ttovapa i'na'faya. I'namba attuse'jepa su'faya: ¡Ay, va'cha tsu tsa ti'tsse'tssia canqque! Poiyi'cco marni'su shavo nasundeccu tiseni japa tise corifin'di'ccu ricove da'fa. Tsa'ma tse'faei'ccuyi fae a'ta tiseja pa'tssima qqueña.