Canjaen'cho 18:15 - Cofán: Chiga Tevaen'jen

¹⁵ Nane tsa andu'choma chavaemba ricove dasundeccuja Babilonia vana'jen'choma can'boemba dyo'faya. Dyopa fae'ngae ju'rusa'ne biane ñombi'ye ccutsupa i'na'faya.

Canjaen'cho 18:15 ပူးပေါင်းရင်းမြစ်များ

Marcos 11:17

Tsa'caen tsomba atesian'jemba su: —Chiga Tevaen'jenga Chiga tsu su: “Ña tsa'ota tsu poi ande'su a'ine ñama iñajan'jentti.” Tsa'ma que'ija va tsa'oma ccanamba tsa'ove tson'fa.

Tson'fa'cho 16:19

Tsa'caen tsonsi tsa pushesu jai'ngae daya'choma condaseye oshambisi tise patróndeccuja iyicca'ye'fa tise'pa tsai'ccu gana'jen'choma anttiansi. Tsa'caen iyicca'yepa Pablo, Silasma'qque indipa canqque atandundunga qquitssa anga'fa nasundeccunga.

Canjaen'cho 18:12

Nane tise'pa chavaeñe an'bian'cho tsu cori, totoa cori, bare'cho patu, totoa moyo; tise'pa ñotssia totoa sarupa, na'su inzia sarupa, sera, cu'a sarupa'qque; ño'metssia quini'cco, nane erefante tte'ttoma ñoña'cho, bare'cho quini'ccoma ñoña'cho, yoshava, quiopa yoshava, totoa patuma ñoña'cho'qque;

Canjaen'cho 18:13

nane ispingo, ñome'ba, oque oraenqque'su ñome'ba, mirra seje'pa, ño'metssia onjonqque'su yayapa; vino, yayapa, panme ñoñaqque'su, ppu'ppu'qque; vaura, oveja, cavayo'qque; cavayoi'ccu qquitssaqque'su caro, a'i semasundeccu'qque. Tsa'caen tsu chavaen'fa. Nane a'i injama'choma chavaenqquia'caen tsu tsa'caen chavaen'fa. Pa'cco va tise'pa an'bian'choma chavaeñe oshambipa tsu ñoa'me i'na'faya.

Canjaen'cho 18:14

I'namba tsa canqquema su'faya: Que injama'cho tsosipie in'jan'choja tsangae tsu nepi. Pa'cco que ñotssia jincho'cho me'i'en tsu da. ¡Tsangae tsu nepi'fa!

Canjaen'cho 18:19

Ñombi'ye'choma canjaeñe in'jamba ande'su ccuttopa'sima tise'pa tsovenga ttovapa i'na'faya. I'namba attuse'jepa su'faya: ¡Ay, va'cha tsu tsa ti'tsse'tssia canqque! Poiyi'cco marni'su shavo nasundeccu tiseni japa tise corifin'di'ccu ricove da'fa. Tsa'ma tse'faei'ccuyi fae a'ta tiseja pa'tssima qqueña.

Canjaen'cho 18:3

Nane Babiloniambe vinoma cu'ipa ccusipaqquia'caen poi andesundeccu tisei'ccu egae tsincon'fa. Poi ande'su nasundeccu'qque tisei'ccu fae'ngae can'jemba tsa'caen egae tsincon'fa. Nane poi ganasundeccu'qque Babilonia'su injanga patsuye in'jan'choma ipa chavaemba ganamba ricove da'fa.