Canjaen'cho 16:13 - Cofán: Chiga Tevaen'jen

¹³ Tsonsi camba gi tres cocoyama, sapoa'caen attian'choma atte. Fae'ccota tsu tsa cocoya na'su canjansimbe aya'fa'ye sombo. Faesuta tsu dyo'ccoa cocoya aya'fa'ye sombo. Toya'caen faesuja afopoemba afa'su aya'fa'ye'qque sombo.

Canjaen'cho 16:13 ပူးပေါင်းရင်းမြစ်များ

Salmos 105:30

Sapoma'qque injan'tsse isi ande'qque on'ba'o. Nane ande na'su anambaccu'qque sapoyi on'ba'o.

Salmos 78:45

Tenqquen'cho, sapoma'qque moesi osha'choma an sefaen'fa.

Mateo 7:15

Injama'tse Chiga Aya'fama afa'su qquen supa afopoensundeccu que'ima qqueñasa'ne. Nane tsendeccuja oveja'caen opave attiamba injama'choni putsa'su ain'caen que'ima dañoñe in'jan'fa.

Canjaen'cho 16:14

Tsendeccuja cocoya qquendya'pa tsu. Osha'cho agattoemba canjaen'chove tsu canjaen'fa. Poi ande'su nasundeccuma in'jaeñe tsu ja'fa cuintsu bopa geraen'faye. Nane Chigaja osha'choma oshachopa a'i injama'choma tsu somboeña. Tsequi a'ta pan napijisi tsu nasundeccuja Chigai'ccu iyiccoye bo'faya.

Canjaen'cho 18:2

Tsaja fundondo'e afapa su: ¡Tsangae tsu nepi! ¡Tsangae tsu Ti'tsse'tssia Babilonia canqque nepi! Tsangae nepipa cocoya can'jen'ttive tsu da. Poi ega aya, tse'tti can'jensi egae fensian'su chhiriria'qque tse'tti tsao'paemba can'jen'fa.

Canjaen'cho 19:20

Geraenccopa dyo'ccoa cocoyama patsupa indi'fa. Tisene afopoen'suma'qque indi'fa. Tsaja dyo'ccoa cocoyai'ccu fae'ngae jacamba afopa'cho canjaen'chove canjaen'su tsu. Tsa'caen afopa'cho canjaen'choi'ccu tsu cocoya inise tevaen'choi'ccu tevaengesundeccuma qqueña. Toya'caen ñoña'cho cocoyama iñajansundeccuma'qque tsu qqueña. Dyo'ccoa cocoyama, tisene afopoen'suma'qque indipa toya canseveyi si'nge singu'ccunga ttova moen'fa. Tsa singu'ccuja asufrei'ccu juru'je.

Canjaen'cho 20:10

Tsomba tise'pama qqueña'su, tsa cocoya na'suma, indipa asufrei'ccu juru'je'cho si'nge singu'ccunga ttova moen'fa. Dyo'ccoa cocoya, tisema afopoen'su'qque tayo catiyepa tseni can'jen'fa. Tse'tti poiyi'cco tsangae can'jemba a'ta, cose'qque, tsangae tsu iñetsse vana'jen'faya.