Canjaen'cho 14:9 - Cofán: Chiga Tevaen'jen

^9-10 Tsendeccuma omboe tsu faesu sefacconi'su shondo'su jipa fundondo'e afa: —Majan a'i tsa dyo'ccoa cocoyama iñajamba tise ñoña'cho cocoyama'qque iñajan'ninda Chigaja tsa a'ima iyicca'yeya. Nane majan a'i tise'pa tsovejunga, tise'pa tivenga cocoya tevaen'choi'ccu tevaenge'ninda Chigaja tsa a'ima iyicca'yeya. Nane vino, tsa'ccui'ccu eyeppumbi'choa'ma cui'ñaqquia'caen tayo tsu Chigaja ñoña tise'pama quia'me vanaeñe. Iyicca'yepa tsu anttembe'yi tise'pama vanaeña. Nane si'nge, ju'rutssia asufrei'ccu tsu tise'pama oquepa vanaeña. Sefacconi'su shondosundeccu, Chigambe Oveja'qque caña'jen'ni tsu dyo'oe vana'faya.

Canjaen'cho 14:9 ပူးပေါင်းရင်းမြစ်များ

Canjaen'cho 14:11

Tsa'caen si'nge anchanda'je'chonga oquepa vanaen'jensi tsangae tsu onfen'baja ansunde'je. Nane vuiquimbe'yi poi a'ta, poi cose'qque tsangae tsu vana'faya. Poiyi'cco majan cocoyama, tise ñoña'cho cocoyama'qque iñajan'da tsa'caen tsu tsangae vana'faya. Toya'caen poiyi'cco majan cocoya inise tevaen'choi'ccu tevaenge'ta tsa'caeñi tsu vana'faya.

Canjaen'cho 16:2

Tsonsi otien'su sefacconi'su shondo'su japa tise tasa'suma andenga zaiña. Zaiñasi poiyi'cco a'i, majan dyo'ccoa cocoya tevaen'choi'ccu tevaengepa, majan tise ñoña'cho cocoyama iñajan'da, ccomenzufa'pa'e dapa iña'sui'ccu vana'fa.

Canjaen'cho 7:3

—¡Ronda'je'faja! Toya tsu ande, mar, quini'ccoma'qque pporaembe'yi can'faya'cho. O'tie tsu Chigambe shondosundeccu tsovejuma pisa tevaeña'cho Chigambe qquen canjaen'faye.