Canjaen'cho 14:8 - Cofán: Chiga Tevaen'jen

⁸ Tsama omboe tsu faesu sefacconi'su shondo'su jipa su: —¡Tsangae tsu nepi! Tsangae tsu Babiloniaja nepi. Nane tsa Ti'tsse'tssia Babiloniaja poiyi'ccombe ambian'cho pushesia'caen poi ande'su a'ima egae tsincoen. Tise vinoma cui'ñasi tsu sumbie dapa egae tsincon'fa.

Canjaen'cho 14:8 ပူးပေါင်းရင်းမြစ်များ

Daniel 4:30

qquen su: “Canjan Babiloniajan ñoa'me rande tsu. Ña gi tisu oshacho'choi'ccu ñoa'me va ande'su na'su can'jeña'cho canqqueve ñoña cuintsu aindeccu ña oshacho'choma atte'faye.”

Canjaen'cho 11:8

Tise'pama fi'ttisi pa'chondeccumbe ai'voja tsa rande canqque tsaiquini tsu ccui'faya. Nane tsa Jerusalén canqqueni tsu ingi Na'su Jesúsma'qque avuja'cconga fi'tti'fa. Ñoa'me tsu tsa Jerusalén canqqueja ega. Tsa'cansi “Sodoma canqque” qquen tsu afa'fa. Toya'caen “Egipto ande” qquen tsu afa'fa, ega tsu, qquen canjaeñe.

Canjaen'cho 16:19

Nane ande oyasi tsu tsa rande canqque'qque tresve do. Poi ande'su canqque'qque osui'fa. Chiga Quitsaja ti'tsse'tssia Babilonia canqque'su egae tsincon'choma injan'jemba tsa canqquema dyo'e vanaen. Nane iyicca'yepa vanaeñe qquen supa inza'a vinoma cui'ñaqquia'caen tsu Babiloniama vanaen.

Canjaen'cho 17:18

Que atte'cho pushesuja ti'tsse'tssia canqqueve tsu canjaen. Nane poi ande'su na'suma manda'su ti'tsse'tssia canqque tsu.

Canjaen'cho 19:2

Tise ñotsse in'jamba tansintsse su'nijan Tisema ñotsse afa'faya'cho. Ti'tsse'tssia egae tsincon'su pushesuja poi ande'su a'i'ccu egae tsincomba tise'pama'qque daño. Tsa'cansi tsu Chiga Quitsaja tsambe injama'choma somboemba fi'tti. Tise Chigambe semasundeccuma fi'ttiqquia'caen ccane'qque Chiga Quitsaja tisema vanaemba fi'tti.