Canjaen'cho 14:7 - Cofán: Chiga Tevaen'jen

⁷ Fundondo'e afapa su: —Dyoe'sui'ccu Chiga Quitsama in'jamba ñotsse afa'faja. Tayo tsu osefaeña'cho a'ta napiji Tise poimbe injama'choma somboeña'cho. Tiseja sefacco, ande, mar, tsa'ccu sombo'je'ttima'qque agattoen'su. Tisema iñajan'faja.

Canjaen'cho 14:7 ပူးပေါင်းရင်းမြစ်များ

Génesis 22:12

Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Salmos 36:1

Egae tsincon'cho egae tsincon'sumbe injama'cho tsosipie afasi tsaja ni asi'ttaembi Chigama pañañe.

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Isaías 40:3

Tsonsi a'i aya'faja qquen fundoya: “A'i menia'ni Na'su jiya'chove ñoña'faja. Tise tsaiquima tansianqquia'caen ñoña'faja.

Isaías 40:6

Aya'faja “¡Fundoja!” qquen susi gi ñajan iñajampaña: “¿Jongoesu qquen gi fundoya?” “Poiyi'cco a'i tsu shoshoviacan'fa. Nane te'ta'caen ta'etssimbi tsu.

Isaías 40:9

Que, Ziónga ñotsse conda'su, ccotta'cco sefa'tssianga ansundepa quian'me fundopa va ñotsse condase'choma condaja. Nane dyombi'tsse Jerusalénga condapa poi Judá'su canqquenga'qque quian'me qquen condaja: “¡Va'tti tsu que'i Chigaja!”

Mateo 25:13

Qquen condasepa Jesús su: —Tsa'caeñi qui minga'ni na'su jiya'chove ni maqui a'ta jiya'chove'qque atesu'fambi. Atesumbipa ñotsse camba tise jiya'chove ronda'je'faja.

Lucas 17:18

¿Aqquia ti va israembi'su toequi jipa Chigama ñotsse afa? ¿Faesuveja me'i'on ti?

Tson'fa'cho 14:15

—Aindeccu, ¿jongoesie qui jova'caenjan tson'jen'fa? Ingija que'ia'caeñi a'i'fa gi. Ingita gi ji'fa ñotsse condase'choma condaseye. Nane osha'cho injanga iñajan'choma catipa ñoa'me canse'cho Chigave in'jan'faye gi condaseye ji'fa. Nane tsa canse'cho Chiga tsu sefacco, ande, marve agattoen'su. Toya'caen osha'cho sefacco, ande, marni jinqque'suve'qque tsu agattoen'su.

Josué 7:19

Tsonsi Josuéja Acánma su: —Ña in'jan'cho, Na'su Chiga, israendeccumbe Chigama ñotsse afaja. Tisema avujatsse afaja, pa'cco que tson'choma a'tiembe'yi ñanga condapa.

1 Pedro 4:7

Osefaeña'cho a'ta tayo tsu napiji. Tsa'cansi que'ija ñotsse in'jamba opatsse Chigama iñaján canse'faja.

Canjaen'cho 11:13

Tse'faei'ccuyi ande quia'me oya. Oyasi tsa canqque'su tsa'o fae decimo enttingeccoyi tsu osui'fa. Ande oyasi tsu siete mil a'i pa'fa. Pambe ccusha'chondeccuja ñoa'me dyo'fa. Dyopa tsu Sefacconi'su Chiga Quitsama ñotsse afa'fa.

Canjaen'cho 11:18

Poi andesundeccu tsu iyicca'ye'fa. Tsa'ma que iyicca'yeya'cho a'ta tayo tsu ji. Nane ja'ño qui pa'chondeccu injama'choma somboeña. Ja'ño qui que Aya'fama afasundeccunga osha'cho ñotssiama afeya. Nane ja'ño qui que ño'a aindeccunga, quema iñajansundeccunga'qque osha'cho ñotssiama afeya. Majan joccapitssia, majan utu'ccoa, poiyi'cco tsu ñotsse isu'faya. Ja'ño qui va andema dañosundeccuma tsangae nepiaña.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.

Canjaen'cho 16:9

Tsa'ma aindeccuja tsa'caen oqueye'a'qque toya tise'pa egae tsincon'choma catiye in'jan'fambi. Ni Chigama toya ñotsse afa'fambi. Tsa'ma Chiga tsa'caen tise'pama vanaen qquen in'jamba Tisema iyicca'yepa ti'tsse afase'fa.

Canjaen'cho 18:10

Nane fae'ngae ju'rusa'ne tsu tsa'caen dyopa biane ccutsupa i'namba su'faya: ¡Ay, va'cha qui, rande ti'tsse'tssia Babilonia canqque! Fae a'tayi qui junde tsa'caen vana'jen.

Canjaen'cho 18:17

Tsa'ma tse'faei'ccuyi tsu fae a'ta pa'cco tise ñotssiaja osefa. Poi mar'ye jacanqque'su shavo nasundeccu, shavongae jacansundeccu, shavonga semasundeccu'qque, nane poiyi'cco majan marnga semamba ganasundeccu'qque biane ccutsupa

Canjaen'cho 18:19

Ñombi'ye'choma canjaeñe in'jamba ande'su ccuttopa'sima tise'pa tsovenga ttovapa i'na'faya. I'namba attuse'jepa su'faya: ¡Ay, va'cha tsu tsa ti'tsse'tssia canqque! Poiyi'cco marni'su shavo nasundeccu tiseni japa tise corifin'di'ccu ricove da'fa. Tsa'ma tse'faei'ccuyi fae a'ta tiseja pa'tssima qqueña.

Canjaen'cho 19:5

Tsonsi na'su dyaipa'cho'ye tsu faesu aya'faja qquen afa: Ingi Chigama ñotsse afa'faja. Poiyi'cco que'i Tise'be semasundeccu Tisema ñotsse afa'faja. Poiyi'cco que'i dyoe'sui'ccu Tisema pañasundeccu, majan ti'tsse'tssia, majan utu'ccoa, Tisema ñotsse afa'faja.

Canjaen'cho 4:11

Ingi Na'su, ingi Chiga qui. Ñoa'me qui ñotssia cuintsu ingija Quema in'jamba ñotsse afa'faye. Ñotssia qui osha'choma mandaye. Nane Queja osha'chove agattoemba mandaye osha. Que in'jansi tsu jin'fa. Que in'jamba agattoensi tsu canse'fa.

Canjaen'cho 4:9

Tsa'caen settapoemba dyaipa'choni dyai'suma ñotsse afa'fa. Nane dyai'su tsangae cansesi tsu Tisema ñotsse afa'fa. Ñotsse afapa Tise ñotsse tson'chone afa'fa.

Canjaen'cho 8:10

Tsonsi tercer Chigama sefacconi'su shondo'su jeñasi rande o'fe tsu sefaccone amppi. Nane si'ngeve anchandapa a'tatsse chanjumba na'enga, tsa'ccu sombo'je'ttinga fae tercera'su enttingeccoa'nga amppi.