Canjaen'cho 14:6 - Cofán: Chiga Tevaen'jen

⁶ Tsonsi faesu Chigama sefacconi'su shondo'suma gi atte. Tsaja sefaccone chhaje'je Chigambe tsangae ñotsse condase'choma poi ande'su aindeccunga condaye. Nane poi na'su manda'cho, poi a'i, poi aya'fa'su, poi andesundeccu pañañe tsu shondo'suja condaye ja.

Canjaen'cho 14:6 ပူးပေါင်းရင်းမြစ်များ

Génesis 1:6

Tsonsi Chigaja su: “Sefacco'su qquendya'pave attianjan na'en'su tsa'ccuma unjimba'ye attufaeñe.”

Isaías 40:8

Shoshovi sambasi te'ta'qque pandipa sheque'faya. Tsa'ma ingi Chigambe Aya'faja tsangae tsu jinchoya.”

Isaías 6:2

Tisema ombanimajan si'ngiaca'on cansepa jinchondeccu sheque'fa. Poi cansepa jincho tsu seis sanccopave an'bian'fa. Nane poiyi'cco dos sanccopai'ccu tise camba'juma piccopa, dosi'ccu tise tsu'ttema piccopa faesu dosi'ccu chhaje'je'fa.

Daniel 4:1

“Ña, na'su Nabucodonosor, gi poi canqque'su aindeccu, poi ande'su, toya'caen poi ccaninga aya'fangae afasundeccu mani'su andeni canjensundeccuma'qque ñotsse in'jamba conda.

Mateo 10:27

Ñajan que'inga a'tutsse cose condasi a'ta'nijan conda'faja. Opitsse afasi pañamba que paña'choma tsa'o sefani'su ppappacconga ccutsupa fundo'faja.

Marcos 16:15

Tsomba su: —Poi andenga japa va ccushaya'chone ñotsse condase'choma poiyi'cco a'inga candusian'faja.

Romanos 16:25

Ja'ñojan Chigama gi ñotsse afa'fa. Chigaja Tise Aya'fai'ccu que'i injama'choma quiñaeñe osha. Ñajan Chiga ccushaen'chone ñotsse condase'choma condasepa Jesucristone gi atesian'jen. Nane andema agattointe ni ja'ño pan va condase'choma condambi. Tsa'ma ja'ño Chigaja tsama condasesi

Colosa'su 1:23

Tsa'ma que'ija anttembe'yi Cristove in'jaña'cho. Ta'etssia injama'choi'ccu ccaningae in'jambe'yi que'i Cristove in'jan'choma catimbe'yi in'jan'faya'cho. Nane Chiga ñotsse condase'choma gi poiyi'cco a'inga candusiansi que'i'qque pañamba in'jan'fa. Chiga ñama ttu'sesi ña Pablo gi va ñotsse condase'choma candusian'su.

2 Tesalónica'su 2:16

Jesucristo ingi Na'su, Chiga ingi Quitsa ingima ñotsse in'jamba tsangae ingi'ccu can'jen ingima fuiteye. Tsa'caen in'jansi gi ingi'qque Tise've in'jamba avujatsse ronda'je'fa.

Hebreo'su 13:20

Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa

1 Pedro 1:25

Tsa'ma Na'su Chiga Aya'faja tsangae tsu jinchoya. Tsa Chiga Aya'faja que'inga condase'cho ccushaeña'cho aya'fa tsu.

Canjaen'cho 10:11

Tayo ansi tiseja ñama su: —Ccase qui Chiga su'choma afaya'cho. Nane tsain'bitsse a'ine Chiga condase'choma qui afaya'cho. Toya'caen andene, aya'fane, ande na'sune'qque condase'choma qui afaya'cho.

Canjaen'cho 10:7

Nane Chiga tayópi condambi'choa in'jan'chove tsu napiji. Chigaja Tise'be Aya'fama afasundeccunga tayopi condaqquia'caen tsu napiji. Septimo sefacconi'su shondo'su maqui a'ta jeñasi ñoa'me tsu napiya.

Canjaen'cho 13:7

Nane cocoya na'su canjansi anttesi dyo'ccoa cocoyaja Chigambe aindeccui'ccu geraenccopa patsu. Tsa'caen patsusi cocoyaja tise osha'cho'choma tisenga afe cuintsu poi a'ima, nane poi andesundeccuma, poi aya'fa'suma, poi manda'su na'suma'qque mandaye.

Canjaen'cho 3:10

“Vana'je'an'qque dyombi'tsse canseja” qquen ña mandasi qui pañamba tsa'caen tson. Tsa'cansi gi ñoa'me vanaeña'cho napisi quema ñotsse coiraya. Nane ñoa'me vanaeña'cho tsu pa'cco andeni napiye tson'jen poi ande'su a'i injama'choma atesuye. Tsa napisi gi quema coiraya.

Canjaen'cho 5:9

Amppi ccuipa tsu cuna settapoen'choma qquen settapoen'fa: Que qui ñotssia findi'cho tevaen'jema isuye; isupa ancaen'cho tuñoma battiañe. Nane quema fi'tti'fasi qui que anjampai'ccu a'ima chavasi tsu Chigambeve da'fa. Tsa'camba qui tevaen'jema fettaye osha. Nane poi a'i, poi aya'fa'su, poi ande'su, poi na'su manda'su a'ima qui chava cuintsu ingija fae Chiga aindeccuve dapa

Canjaen'cho 8:13

Omboe ccase camba gi rande pindoma atte. Sefacconi chhaje'jepa quia'me afasi gi qquen paña: —¡Ay, ay, ay! ¡Va'cha tsu poi ande'su aindeccu! Nane omboe tres jeñaqque'suma jeñasi tsu ñoa'me vana'faya.