Canjaen'cho 13:6 - Cofán: Chiga Tevaen'jen

⁶ Nane Chiga Quitsama afasepa egae afa. Chiga inisema afasepa, Chiga can'jen'choma, tseni can'jensundeccuma'qque afase.

Canjaen'cho 13:6 ပူးပေါင်းရင်းမြစ်များ

Job 3:1

Osefa'poe Jobja ziyapayi dyai'cho afaye ashaemba tise isuye'cho a'tama afasepa

Mateo 12:34

Que'ija iyo dushundeqquia'caen ega'fa. ¿Ma'caen qui ñotsse afa'faya? Nane tisu injama'cho in'jan'choma tsu a'ija in'jamba aya'fai'ccu afa.

Mateo 15:19

Nane injama'choi'ccu tsu a'ija egae in'jan'fa. Egae in'jamba tsu fi'tticco'fa. Casara'chondeccu tsu faesui'ccu egae can'se'fa. Injanga tsandie pushesu anttembi'chondeqquia fae'ngae can'se'fa. Nane Cca'na'fa. Afopoen'fa. Afase'fa.

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Romanos 3:13

Pa'chombe atu'tti changoma ovimbisi tssu'jianqquia'caen tise'pa aya'fa changoi'ccu injanga afapa tise'pa injama'cho egae in'jan'choma attian'fa. Tise'pa aya'fai'ccu faesuma patsuye in'jamba afopoen'fa. Tise'pa afa'je'choja iyo seje'pa'caen daño.

Colosa'su 1:19

Chigaja in'jamba osha'cho Tisu jincho Jesúsnga ca'nimba canse.

Colosa'su 2:9

Pa'cco osha'cho Chiga jincho tsu Jesús ai'voni ca'nimba canse. Toya'caen

Hebreo'su 9:2

Tsa carpa tsa'ove dos cuartoi'ccu tsu tsao'ña'fa. Cani'jen'cho cuartoni tsu tuñoma ccutsian'cho jin. Toya'caen mesa'qque tsu jin. Tsa mesanga tsu poi avujaqui Chiganga afe'cho panma ccuiña'jen'fa'cho. Tsa cuarto tsu Chiganga catseya'cho cuarto.

Hebreo'su 9:24

Ma'caen Tisunga catsepa cachuiccoya'chove canjaeñe in'jamba Chigaja a'ima manda cuintsu Tisei'ccu cachuicco'je'cho carpave ccutsiañe. Ccutsiamba tsanga ca'ni'fa Chigama iñajañe. Tsa'ma Cristoja tseni ca'nimbipa tansintsse Chiga sefacconi japa tsu Chiganga ccutsupa cambajunaccu ingine afa'je.

Canjaen'cho 11:12

Dyopa camboen'jen'fa'ni tsa dos Chiga Aya'fama afasundeccuja sefacconi'su aya'fama paña'fa. Aya'faja tise'pama qquen su: —Vani ansunde'faja. Tsonsi tise'pai'ccu iyiccosundeccu camboen'jen'fa'ni tsu unjimba'ccongae sefacconi ansunde'fa.

Canjaen'cho 12:12

Tsa'cansi Chiga sefacco, poiyi'cco tseni can'jensundeccu'qque avuja'faja. Tsa'ma ande, marni can'jensundeccuja ¡va'cha'fa qui! Ñoa'me qui vana'faya. Nane cocoya na'su, Satana, tiseja junde naniñe tson'jen, qquen in'jamba iyicca'yepa que'ini ande.

Canjaen'cho 15:5

Tsama attepa gi sefacconi'su Chiga ettima camba sombo'tti tayo fettaye'choma atte. Nane Chiga a'i'ccu can'jemba afa'je'tti fettaye'choma gi atte.

Canjaen'cho 18:20

Tsa'ma Chiga sefacconi can'jensundeccu ¡avujatssi'faja! Chigambe aindeccu'qque ¡avujatssi'faja! Chiga Aya'fama afasundeccu, Jesucristone afasundeccu'qque, tsa canqque tsangae nepi'nijan ¡poiyi'cco avujatssi'faja! Nane tise que'ima vanaensi Chiga tise injama'choma tayo somboe'nijan ¡avujatssi'faja!

Canjaen'cho 21:3

Tsa'caen andesi Na'su dyaine aya'fa quia'me afasi gi qquen paña: —Ja'ño tsu Chiga Quitsaja aindeccui'ccu can'jeña. Tse'tti tsu Tise can'jeña'tti. Aindeccu Tise a'ive dasi Tiseja fae'ngae can'jensi aindeccuja Tise'veyi in'jan'faya.

Canjaen'cho 4:1

Tsomba tse'i ccase camba gi Chiga sefacconi'su sombo'tti fettaye'choma atte. Attepa gi toe aya'fama ccase paña. Ccase sundaro jeñaqquia'caen afapa tsu ñama su: —Vani ansundeja, jai'ngae tsoña'choma quenga canjaeñe.

Canjaen'cho 4:4

Toya'caen na'su dyaipa'cho jin'ttini tsu faesu veinticuatro dyaipa'choja itoyetsse ccutsu'fa. Tsani tsu veinticuatro coenzandeccu dyai'fa. Totoa ondiccu'jema ondiccucho'cho, poiyi'cco tsu cori otifaccuma otifacho'fa.

Canjaen'cho 5:13

Toya'caen gi paña pa'cco Chiga agattoen'cho settapoen'choma. Nane pa'cco Chigambe sefacconi'su jincho'cho, pa'cco andeni'su jincho'cho, toya'caen ande tsosini, mar tsosini jincho'cho'qque tsu qquen settapoen'fa: Na'su dyaipa'chonga dyai'suja ñotssia osha'choma oshacho. Oveja'qque tsu ñotssia, osha'choma oshacho. Tsangae tsu Tise'panga ñotsse tsoña'cho. Tsangae tsu Tise'panga ñotsse afaya'cho.

Canjaen'cho 7:15

Ccushapa tsu Chigambe dyaipa'cho pporotsse ccutsupa poi a'ta, poi cose'qque Chiga ettini Tisema shondo'fa. Tisema shondo'fasi dyaipa'cho na'suja tise'pambe tumbianqquiamba coiraya.

Canjaen'cho 7:9

Tsama attepa gi ccase camba tsain'bio a'ima atte. Nane tsain'biosi gi agattoye oshambi. Poi ande'su, poi a'i'su, poi aya'fa'su, poi na'su manda'cho'su tseni na'su dyaipa'cho isevetsse ccutsu'fa. Nane Oveja cambajufani tsu ccutsu'fa. Totoa ondiccu'jema ondiccupa tiveni shishijema i'supa