Canjaen'cho 11:9 - Cofán: Chiga Tevaen'jen

⁹ Tres a'ta faesu a'ta enttingeve pa'chondeccumbe ai'voja tsaiquini pajin ccuisi poiyi'cco a'i poi andene jipa tise'pama can'boen'faya. Nane tise'pa ai'voma a'tuye se'pisi poi aya'fa afasundeccu poi na'sune jipa can'boen'faya.

Canjaen'cho 11:9 ပူးပေါင်းရင်းမြစ်များ

Mateo 7:2

Nane que'i cca'i shacama tta'ttapa suqquia'caen tsu Chiga'qque que'i shacama attepa suya. Que'i cca'indeccu egae tsincon'choma agattoqquia'caen tsu Tiseja que'i egae tsincon'choma'qque agattopa shacama atteya.

Canjaen'cho 10:11

Tayo ansi tiseja ñama su: —Ccase qui Chiga su'choma afaya'cho. Nane tsain'bitsse a'ine Chiga condase'choma qui afaya'cho. Toya'caen andene, aya'fane, ande na'sune'qque condase'choma qui afaya'cho.

Canjaen'cho 11:11

Tsa'ma tres a'ta faesu a'ta enttingeve pasasi qquendya'paja Chigane sombopa tsendeccuma ccase qquendyaen. Qquendyaensi tise'paja ccutsu'fa. Ccutsu'fasi poiyi'cco tise'pama camboensundeccuja ñoa'me dyo'fa.

Canjaen'cho 13:7

Nane cocoya na'su canjansi anttesi dyo'ccoa cocoyaja Chigambe aindeccui'ccu geraenccopa patsu. Tsa'caen patsusi cocoyaja tise osha'cho'choma tisenga afe cuintsu poi a'ima, nane poi andesundeccuma, poi aya'fa'suma, poi manda'su na'suma'qque mandaye.

Canjaen'cho 17:15

Toya'caen sefacconi'su shondo'suja qquen ñama su: —Que atte'cho tsain'bio na'en, tsa egae tsincon'su pushesu dyai'tti jincho tsain'bio na'enjan, poi ande'su aindeccu tsu. Nane poi a'i, poi aya'fa, poi na'su manda'su aindeccu tsu.

Canjaen'cho 5:8

Tevaen'jema isusi tsa cuatro canse'pa jinchondeccu, veinticuatro coenzandeccu'qque Ovejanga catsepa andenga amppi ccui'fa. Poi coenzandeccu guitaracan'cho'ccoe an'bian'fa. Toya'caen cori apisho'ttonga ñome'bama'qque i'fa. Tsa ñome'baja Cristove in'jan'chondeccu Chigama iñajan'cho tsu.

Canjaen'cho 5:9

Amppi ccuipa tsu cuna settapoen'choma qquen settapoen'fa: Que qui ñotssia findi'cho tevaen'jema isuye; isupa ancaen'cho tuñoma battiañe. Nane quema fi'tti'fasi qui que anjampai'ccu a'ima chavasi tsu Chigambeve da'fa. Tsa'camba qui tevaen'jema fettaye osha. Nane poi a'i, poi aya'fa'su, poi ande'su, poi na'su manda'su a'ima qui chava cuintsu ingija fae Chiga aindeccuve dapa