Canjaen'cho 11:8 - Cofán: Chiga Tevaen'jen

⁸ Tise'pama fi'ttisi pa'chondeccumbe ai'voja tsa rande canqque tsaiquini tsu ccui'faya. Nane tsa Jerusalén canqqueni tsu ingi Na'su Jesúsma'qque avuja'cconga fi'tti'fa. Ñoa'me tsu tsa Jerusalén canqqueja ega. Tsa'cansi “Sodoma canqque” qquen tsu afa'fa. Toya'caen “Egipto ande” qquen tsu afa'fa, ega tsu, qquen canjaeñe.

Canjaen'cho 11:8 ပူးပေါင်းရင်းမြစ်များ

Génesis 13:13

Tseni'su aindeccuja ñoa'me egae in'jamba Na'su Chigama chi'gapa osha'cho tson'choi'ccu egae tsincon'fa.

Génesis 19:24

Tseni nepisi tsu Na'su Chigaja unjima tuiñaqquia'caen si'ngema asufrei'ccu amppian moe Sodoma toya'caen Gomorra canqquenga.

Éxodo 20:2

“Ña gi Na'su, que Chiga, que Egiptoni tsangae sema'suve da'cho'ye somboen'su.

Éxodo 3:7

Tsa'ma Na'su Chigaja ti'tsse afapa su: —A'tatsse gi atte ña aindeccu Egiptoni vana'jen'fa'choma. Toya'caen gi paña tise'pa ñombi'yepa fundo'je'choma semoesundeccu tise'pama vanae'jen'fasi. Ñoa'metsse gi atesu tise'pa ñombi'ye'je'choma.

Mateo 10:15

Ñoa'me gi que'ima su: Osefaeña'cho a'ta napijisi tsa canqquesundeccu tsu bove dyo'tsse da'faya. Nane tayopi'su Sodoma canqquesundeccu, Gomorra canqquesundeccu'qque ñoa'me egae tsincomba tsequi a'ta ñoa'me vana'faya. Tsa'ma que'ima chi'gasundeccuja tise'pama ti'tsse tsu vana'faya.

Tson'fa'cho 9:4

Tsa'caen attiansi Sauloja andenga amppipa qquen su'choma paña: —Saulo, Saulo, ¿jongoesie qui ñama noñangiamba mandiancan?

Hebreo'su 13:12

Tsa'caeñi Jesucristo'qque canqque joccani avuja'cconga vanamba pa, tise anjampai'ccu aindeccu egae tsincon'choma joqquitssiamba tise'pama ño'ame tsoñe.

Hebreo'su 6:6

Tsa'ma tsa'caen in'jamba Jesúsma cati'ta ñoa'me tsu ccase tisu ccushaye oshambi. Poiyi'cco a'i caña'jen'fa'ni Jesúsma avuja'cconga otiqquia'caen tisema tsa'caen chi'ga'ta tisuma tsu Cristone tsangae joqquitssian.

2 Pedro 2:6

Toya'caen Chigaja Sodoma canqque, Gomorra canqque'su a'i injama'choma somboeñe tise'pa canqquema cusepave'yi oque cati. Tsa'caen tsu tson jai'ngae egae tsincoña'chondeccuma canjaeñe.

Judas 1:7

Toya'caen Sodoma, Gomorra, faesu pporotssia'su canqque'su a'i'qque tsendeqquia'caen egae tsincon'fa. Tsandie pushesu'iccu egae da'fa. Toya'caen faesunaccui'ccu egae tsomba Chiga agattoemba mandaqquia'caen tson'fambi. Tsa'can'fasi Chigaja tsendeccuma si'ngei'ccu tsangae vanaen cuintsu poiyi'cco tsama pañamba dyo'faye.

Canjaen'cho 11:13

Tse'faei'ccuyi ande quia'me oya. Oyasi tsa canqque'su tsa'o fae decimo enttingeccoyi tsu osui'fa. Ande oyasi tsu siete mil a'i pa'fa. Pambe ccusha'chondeccuja ñoa'me dyo'fa. Dyopa tsu Sefacconi'su Chiga Quitsama ñotsse afa'fa.

Canjaen'cho 11:9

Tres a'ta faesu a'ta enttingeve pa'chondeccumbe ai'voja tsaiquini pajin ccuisi poiyi'cco a'i poi andene jipa tise'pama can'boen'faya. Nane tise'pa ai'voma a'tuye se'pisi poi aya'fa afasundeccu poi na'sune jipa can'boen'faya.

Canjaen'cho 14:20

Canqque ccavofanga tsa'caen tsui'je'cho changonga tsuisi anjampaja sombo. Nane tsain'bio a'i pa'fasi anjampaja tssamba cavayo aya'fama tanda'chonga ne'pitssi tsosi'suve da. Toya'caen tsa'caen tssamba tsu anjampaja tresiento kilometrove oshapa ja.

Canjaen'cho 14:8

Tsama omboe tsu faesu sefacconi'su shondo'su jipa su: —¡Tsangae tsu nepi! Tsangae tsu Babiloniaja nepi. Nane tsa Ti'tsse'tssia Babiloniaja poiyi'ccombe ambian'cho pushesia'caen poi ande'su a'ima egae tsincoen. Tise vinoma cui'ñasi tsu sumbie dapa egae tsincon'fa.

Canjaen'cho 16:19

Nane ande oyasi tsu tsa rande canqque'qque tresve do. Poi ande'su canqque'qque osui'fa. Chiga Quitsaja ti'tsse'tssia Babilonia canqque'su egae tsincon'choma injan'jemba tsa canqquema dyo'e vanaen. Nane iyicca'yepa vanaeñe qquen supa inza'a vinoma cui'ñaqquia'caen tsu Babiloniama vanaen.

Canjaen'cho 17:1

Tsonsi fa'e tasa'suma zaiña'su siete sefacconi'su shondosundeccu'su ñani jipa su: —Jija. Ña quema canjaeñe ma'caen tsa ti'tsse'tssia egae tsincon'su pushesuma vanaeña'choma. Nane tiseja tsain'bio na'en jinchoni tsu dyai.

Canjaen'cho 17:18

Que atte'cho pushesuja ti'tsse'tssia canqqueve tsu canjaen. Nane poi ande'su na'suma manda'su ti'tsse'tssia canqque tsu.

Canjaen'cho 17:5

Tise tsovejunga tsu ccaninga inisema tevaen'cho. Qquen tsu su: ¡Ti'tsse'tssia Babilonia! Poi egae tsinconsundeccumbe chan tsu. Osha'cho Chiga in'jambi'choa've tsonsundeccumbe chan tsu.

Canjaen'cho 18:10

Nane fae'ngae ju'rusa'ne tsu tsa'caen dyopa biane ccutsupa i'namba su'faya: ¡Ay, va'cha qui, rande ti'tsse'tssia Babilonia canqque! Fae a'tayi qui junde tsa'caen vana'jen.

Canjaen'cho 18:18

Babiloniama oque'je'cho onfen'bama attepa qquen quia'me afa'faya: —¿Minguite tsu qque'an canqqueja jiña?

Canjaen'cho 18:2

Tsaja fundondo'e afapa su: ¡Tsangae tsu nepi! ¡Tsangae tsu Ti'tsse'tssia Babilonia canqque nepi! Tsangae nepipa cocoya can'jen'ttive tsu da. Poi ega aya, tse'tti can'jensi egae fensian'su chhiriria'qque tse'tti tsao'paemba can'jen'fa.

Canjaen'cho 18:21

Tsonsi quinsetssia Chigama sefacconi'su shondo'su rande patuma isupa marnga ttova. Rande sunda'cho patiaca'on tsu. Marnga ttova catipa su: Qquen tsu ti'tsse'tssia Babilonia canqqueta quia'me vanamba nepiya. Minguite'qque tsu tisema ccase atte'faya'bi.

Canjaen'cho 18:24

Nane tsa Babilonia canqqueni tsu Chiga Aya'fama afasundeccuma fi'tti'fa. Chiga aindeccuma'qque fi'ttisi tseni pa'fa. Nane Babiloniaja poi andeni'su aindeccuma fitti'tti'su tsu.