Canjaen'cho 11:5 - Cofán: Chiga Tevaen'jen

⁵ Majan tsa dos afasundeccuma dañoñe in'jan'ninda tise'pa aya'fa'ye si'nge sombopa tsu dañoñe in'jan'chondeccuma fi'ttiya. Tsa'caen tsu poiyi'cco tise'pama dañoñe in'jansundeccuja pa'faya.

Canjaen'cho 11:5 ပူးပေါင်းရင်းမြစ်များ

Isaías 11:4

Tsa'ma tansintsse mandapa ñoquimbindeqquia'ma fuiteya. Tise ande'su va'chandeccu injan'jeña'cho itsayesa'ne'qque coiraya. Tise afa'choja quini'ccoa'caen egae tsinconsundeccuma ma'ppiya. Nane tise aya'fai'ccu ufa'choja egandeqquia'ma fi'ttiya.

Jeremías 1:10

“Ña que aya'fama qquen pporaen'ninda qui ña afa'choma afaya. Ja'ño gi quema ccutsian poi nasundeccuma, poi aindeccuma'qque ti'tsse joccapitssia've cuintsu queja tise'pama joqquitssiamba sefaeñe; cuintsu tise'pama patsupa nepiañe. Toya'caen gi quema in'jaen cuintsu tise'pama mandapa ccase ñoñamba atapoeñe.”

Oseas 6:5

Tsa'cansi ña aya'fama afasundeccu afa'choi'ccu gi que'ima chattuqquia'caen dañomba ña aya'fai'ccu que'ima fi'tti. Nane tsanda veyaenqquia'caen gi cushoan'me a'ima injama'choma somboeñe atesu.

Zacarías 1:6

Tsa'ma tsendeccu'yema ña in'jaensi afa'fasi tsu jai'ngae que'i tayopisundeccu'yeja ña manda'cho, ña su'choma'qque paña'fa. Pañamba tise'pa egae tsincon'choma catipa ñani ji'fa. Pañamba tsu in'jan'fa ña, Na'su Osha'choma Oshacho'cho Chiga tsa'caen tise'pa egae tsincon'chone vanae'jen'chove.’ ”

Canjaen'cho 13:13

Omba'su cocoyaja osha'cho agattoen'chove canjaen. Nane tise mandasi tsu si'ngeja sefaccone andenga amppipa oque. Tsa'caen amppisi poiyi'cco aindeccu can'boen ccutsu'fa.

Canjaen'cho 9:17

Ña atte'cho cavayondeccu, tise'pani dyaipa jacan'cho sundarondeccu'qque tsu qquen: Majandeccuja tise'pa utu'cho yoshava si'ngia'ca'en cu'a tsu. Majandeccuja sefacco inzia tsu. Toya'caen majandeccu asufre'caen quiopa tsu. Tise'pa cavayo tsoveja ttesi tsove'ca'on tsu. Cavayo aya'fa'ye tsu si'nge, onfen'ba, ju'ruqque'su asufre patu'qque sombo'je.