Canjaen'cho 11:17 - Cofán: Chiga Tevaen'jen

¹⁷ qquen supa: Na'su, queja osha'choma oshacho. Tayopi jinchopa ja'ño'qque qui jincho. Tsangae qui jinchoya. Nane osha'choma oshachopa qui ja'ño tsama canjaemba Na'suve da. Na'suve dapa mandasi gi quema ñotsse afa'fa.

Canjaen'cho 11:17 ပူးပေါင်းရင်းမြစ်များ

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Daniel 2:23

Ña yayandeccumbe Chiga, quenga gi chigatsuafepaenján qquen supa queve in'jan que ñama atesu'chove tsomba toya'caen quin'anme tsonsi. Toya'caen qui ja'ñojan ingi in'jamba iñajan'choma a'tatsse canjaen. Tsa'caen qui inginga na'su asi'ttaemba vana'jen'choma a'tatsse canjaen.”

Daniel 6:10

Tsa'caen mandapa na'su tisu inisema tevaen'choma in'jamba Danielja tisu tsaoni ja. Japa tisu anambaccunga ca'nimba Jerusalén canqque jinfa'su ventanama fettapa ccaru dyai Chigama iñajamba tisenga ñotsse afaye. Tsa'caen tsu fae a'ta tres se Chigama iñajamba canse.

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Lucas 10:21

Tse'faei'ccuyi Chiga Qquendya'pa Jesúsma in'jaensi avujapa Chiga Quitsama qquen afa: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Tsa'ma va ande'su injama'pandeqquianga qui tisuma canjaembi. Atesu'chondeccunga canjaembipa qui va aindeccunga tisuma canjaen. Ñotssia du'shu pañaqquia'caen tise'paja ñotsse pañamba in'jan'fa. Yaya, ñotsse qui tson. In'jamba que tsa'caen anttesi gi avujatssi.

Juan 11:41

Tsonsi patuma joqquitssian'fasi Jesúsja sefacconima camba su: —Yaya, Queja ñama pañasi gi Quene ñotsse afa'je.

2 Corinto'su 2:14

Chiganga gi avujatsse afa. Nane Cristoi'ccu Tiseja ingima tansintsse angacansi gi tsangae patsu'fa. Te'ta ño'metssia'ma shonchhaenqquia'caen Chigaja ingi'ccu poi ande'su aindeccuma Cristone condase. Condasesi poiyi'cco tsu paña'fa.

2 Corinto'su 9:15

Chigaja Tise Dutssi'yema afe moemba ñoa'me ñotssi tsu. Ti'tsse Tise afe'chone afaye in'jan'ma aya'fa tsu shaca Tise ñotsse afe'chone ñoa'me condaseye.

1 Timoteoga 1:12

Na'su Cristo Jesús ñama quiñaensi gi tisema ñotsse afa. Ñajan tisema pañamba tsoña'chosi atesupa tsu Jesúsja ñama ttu'sepa quiñaen tise'be semañe.

Canjaen'cho 1:4

Ña, Juan gi Asia andeni'su siete Jesúsve in'jamba bo'fa'chonga tevaen'jen: “Opatsse qui canse'faya. Ña gi que'ima ccushaeña.” qquen tsu tsa Meite Jinchopa, Ja'ño'qque Jincho'chopa, Tsangae Jinchoya'choja que'ima chigambian. Toya'caen tsa Chigambe dyaipa'cho jini can'jen'cho siete qquendya'pa'qque tsa'caen que'ima chigambian'fa.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 15:3

Guitara'ca'ma jeñamba Chigambe shondo'su Moisés settapoen'choma settapoen'fa. Nane tsaja Chigambe Oveja settapoen'cho tsu. Na'su Chiga, osha'choma qui oshacho. Osha'cho Que tson'choja ti'tsse'tssia tsu. Ñotssia tsu. Tansintsse condapa qui tansintsse tson'jen. Tsangae qui poiyi'ccoma manda'je.

Canjaen'cho 16:14

Tsendeccuja cocoya qquendya'pa tsu. Osha'cho agattoemba canjaen'chove tsu canjaen'fa. Poi ande'su nasundeccuma in'jaeñe tsu ja'fa cuintsu bopa geraen'faye. Nane Chigaja osha'choma oshachopa a'i injama'choma tsu somboeña. Tsequi a'ta pan napijisi tsu nasundeccuja Chigai'ccu iyiccoye bo'faya.

Canjaen'cho 16:5

Tsonsi tsa'ccu na'su sefacconi'su shondo'suja su: Ño'a Na'su, que tsa'caen in'jamba vanañe mandapa qui ñotsse tson. Queja tayoe ño'amba ja'ño'qque qui ño'a.

Canjaen'cho 16:7

Toya'caen Chiganga afeye oque'je'cho'ye faesu aya'fa afapa qquen su: —Ju, Na'su Chiga, Que qui osha'choma oshacho. Queja aindeccuma tsa'caen vanaemba qui tansintsse ñotsse tson.

Canjaen'cho 18:8

Tsa'caen supa tsu ñoa'me fae a'ta'yi tiseja osha'cho paqque'sui'ccu vanaña. Nane paqque'suma setsapa paya. Vana'jemba i'naña. Aña'chove'qque me'i'onsi qquipoe'suya. Toya'caen si'ngenga tsu ju'ruya. Na'su Chiga Quitsaja osha'choma oshachopa tsu Babiloniambe injama'choma somboeña.

Canjaen'cho 19:11

Tsomba gi Chiga sefacco fettaye'choma attepa totoa cavayoma'qque atte. Cavayonga dyaipa jacan'sumbe iniseja “Tansintsse Su'su.” Toya'caen “Tise Suqquia'caen Tson'su.” Tiseja ñotsse in'jamba tsu a'i injama'choma tansintsse somboen'jen. Ñotsse in'jamba tsu ñotsse mandapa geraen'jen.

Canjaen'cho 19:6

Toya'caen tsain'bio a'i bopa fundoqquia'caen gi paña. Na'en bo'epa jenqquia'caen, tsanda quia'me afaqquia'caen afasi gi qquen paña: ¡Aleluya! Tayo tsu Na'suja mandaye ashaen. Chiga ingi Na'suja osha'choma tsu oshacho.