Canjaen'cho 11:15 - Cofán: Chiga Tevaen'jen

¹⁵ Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 11:15 ပူးပေါင်းရင်းမြစ်များ

Salmos 110:4

Na'suja qquen tansintsse supa ccaningae afaya'bi: “Que qui tsangae a'ine ñama afa'suve daya. Nane Aarón'cambipa qui Melquisedec'caen daya.”

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Salmos 82:8

¡Chiga Quitsa, jangipa va ande'su aindeccuma ñoquiamba tise'pane tansintsse afaja! ¡Que qui ñoa'me poi ande'su Na'su!

Isaías 55:5

Ña, que Na'su, Israel Ñotssia Chiga quenga ñotssiave tsonsi qui quema atesumbi'choa canqquesundeccuma'qque ttu'seya. Nane que ttu'sesi tsu quenga buttopa ji'faya.

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Oseas 2:23

Tisumbeveyi jonqquia'caen gi ña aindeccuma tise'pa andeni an'biaña. Nane Lo-ruhamama, Lo-amima'qque injama'choi'ccu ñotsse in'jamba gi suya: ‘Que'i israendeccuja ña aindeccu qui.’ Ccane'qque tsu su'faya: ‘¡Queja ingi Chiga qui!’ ”

Mateo 24:31

tisema sefacconi'su shondosundeccuma tsu mandamoeña. Nane moensi jeña'choma quia'me jeñamba poi biani'su andeni japa Cristo ttu'sepa in'jan'chondeccuma tsu i'nga'faya. Nane sefacco já ccutsuni'qque japa i'nga'faya.

Mateo 6:13

Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.

Lucas 1:33

Tsangae tsu tiseja israe aindeccuma manda'jeya. Tise na'suve da'choja minga'ni'qque pasaya'bi tsu.

Lucas 15:10

Tsa'cansi gi su, fae egae tsincon'su tise egae tsincon'choma chi'gapa antte'ninda Chiga sefacconi'su shondosundeccuja avujatssi'faya.

Lucas 15:6

Tsaoni napipa tise amigondeccu, tisei'ccu porotsse can'jendeccuma'qque ttu'sepa tsu su: “Ñai'ccu fae'ngae avujatssi'faja. Tayo gi atte oveja qque'choma.”

Tson'fa'cho 4:26

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Sefacconi'su na'sui'ccu iyiccoye. Tise in'jan'cho Cristoma'qque tsu iyicca'ye'fa.

Hebreo'su 1:8

Tsa'ma Dutssi'yene tsu Chigaja qquen su: Que qui Chiga. Tsangae joccapitssia na'suve dapa qui manda'je. Quini'ccopave dapa qui ñotsse tansintsse manda'je.

Canjaen'cho 10:7

Nane Chiga tayópi condambi'choa in'jan'chove tsu napiji. Chigaja Tise'be Aya'fama afasundeccunga tayopi condaqquia'caen tsu napiji. Septimo sefacconi'su shondo'su maqui a'ta jeñasi ñoa'me tsu napiya.

Canjaen'cho 12:10

Tsonsi gi sefaccone afa'choma paña. Quia'me afapa tsu su: Ja'ño tsu ingi Chiga osha'choma oshapa ingima ccushaen. Tiseja na'susi gi tise aindeccuve da'fa. Ja'ño tsu Tise Cristoja manda'su. Nane tayoe Satana Chiganga ccutsupa pa'cco a'ta, pa'cco cose'qque ingi faengasundeccuma afase. Tsa'ma sefaccone joqquitssipa amppisi tsu Cristo ja'ñojan manda.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.

Canjaen'cho 16:17

Septimo sefacconi'su shondo'su tise tasa'suma fingianga zaiña. Zaiñasi sefacconi'su Chiga etti'su na'su dyaipa'cho'ye tsu aya'faja afa qquen supa: —¡Tayo tsu nani!

Canjaen'cho 17:14

Tsonsi tsu Ovejai'ccu geraen'faya. Tsa'ma Oveja tsu tise'pama patsuya. Nane Ovejaja poi na'sumbe na'su tsu. Poi manda'suma manda'su tsu. Tsa'camba tsu cocoyandeccuma patsuya. Toya'caen Ovejaja Tise aindeccuma in'jamba ttu'sesi tsendeccu'qque Tise've in'jamba fae'ngae tisei'ccu cocoyama patsu'faya.

Canjaen'cho 19:1

Tsomba tse'i tsain'bio a'i Chiga sefacconi bopa afasi gi paña. Qquen tsu quia'me afa'fa: ¡Aleluya! Chiga ingima Ccushaen'suja Osha'choma tsu Oshacho. Tisema ñotsse afa'faya'cho.

Canjaen'cho 19:6

Toya'caen tsain'bio a'i bopa fundoqquia'caen gi paña. Na'en bo'epa jenqquia'caen, tsanda quia'me afaqquia'caen afasi gi qquen paña: ¡Aleluya! Tayo tsu Na'suja mandaye ashaen. Chiga ingi Na'suja osha'choma tsu oshacho.

Canjaen'cho 20:4

Tsomba tse'i tsain'bio na'su dyaipa'choma gi atte. Dyaipa'choma attepa gi tsanga dyaisundeccuma'qque atte. Chiga anttesi tsendeccuja injama'choma somboeñe dyai'fa. Toya'caen Jesúsve in'jansi fi'ttisi pa'chondeccuma'qque atte. Nane tsendeccuja Chiga Aya'fama candusiansi cca'indeccu iyicca'yepa tise'pa tsovema chattupa fi'tti'fa. Tsendeccuja dyo'ccoa cocoyama, ni ñoña'cho cocoyama'qque iñajan'fambi. Toya'caen tsu se'pi'fa cocoya inise tevaen'ttima tise'pa tivenga, tise'pa tsovejunga tevaeñe. Tsendeccuma fi'ttisi ccase qquendyapa mil canqque'fave Cristoi'ccu manda'je'fa.

Canjaen'cho 8:12

Cuarto Chigama sefacconi'su shondo'suja jeñasi coejechiga'qque, fae tercera'su enttingeccoyi tsu si'ame da. Nane cose'suchiga, o'fe'qque, fae tercera'su enttingeccoyi tsu si'ame da'fa. Tsa'caen da'fasi a'ta cose'qque fae tercera'su enttingeccoyi tsu sinttia've da'fa.

Canjaen'cho 9:1

Quinto sefacconi'su shondo'su jeñasi faesu o'fe amppi'je'choma gi atte. Tayo sefaccone andenga amppisi fetta'je'cho yavema tisenga afe.

Canjaen'cho 9:13

Tsonsi sexto Chigama sefacconi'su shondo'su jeñasi gi aya'fama paña. Chigambe isevetsse cori oque oraen'jen'ttie tsu afa. Nane oque oraen'jen'cho cuatro ontsian'ccombe enttinge'ye aya'faja afasi gi paña.