Canjaen'cho 10:4 - Cofán: Chiga Tevaen'jen

⁴ Tsandandeccu afa'jesi tise'pa su'choma tevaeñe tson'jensi tsu sefacconi'su aya'faja ñama se'pipa su: —Siete tsandandeccu afa'je'choma pañamba tevaembe'yi que injama'choni an'bianjan.

Canjaen'cho 10:4 ပူးပေါင်းရင်းမြစ်များ

Daniel 12:4

“Tsa'ma queja, Daniel, va su'choma ñotsse condambe'yi an'bianjan. Nane va tevaen'jema piccopa setsaenqque'sui'ccu ancaenjan osefaeña'cho a'ta nepiya'ngae. Tsain'bio a'i tsu cca'tti cca'tti jacan'faya osha'choma ti'tsse atesuye.”

Daniel 12:9

Iñajampañasi tiseja su: ‘Daniel, ti'tsse iñajampañajama. Nane va condase'choja osefaeña'cho a'ta nepisi atesuya'cho.

Canjaen'cho 1:11

Tsa aya'faja su: —Que atte'choma findi'cho tevaen'jenga tevaenjan. Tevaemba Asia ande'su siete Jesúsve in'jamba bo'fa'chonga moenjan. Nane Efeso canqque'su bo'fa'chonga, toya'caen Esmirna, Pérgamo, Tiatira, Sardis, Filadelfia, Laodicea'su bo'fa'chonga'qque va tevaen'jema moenjan.

Canjaen'cho 1:19

Que atte'choma tansintsse tevaenjan. Ja'ño jincho, jai'ngae tsoña'choma'qque tevaenjan.

Canjaen'cho 10:8

Tsonsi ña sefacconima tayo paña'jen'cho aya'faja ccase ñama afapa su: —Marni, andeni'qque tsuijin ccutsu'cho sefacconi'su shondo'sunga catsepa findi'cho tevaen'jema tayo fetta'choma tise tive'suma isuja.

Canjaen'cho 22:10

Toya'caen tsu ñama su: —Va jai'ngae tsoña'chone tevaen'choma a'tujama. Nane junde tsu tsa'caen tsoña.