Canjaen'cho 10:11 - Cofán: Chiga Tevaen'jen

¹¹ Tayo ansi tiseja ñama su: —Ccase qui Chiga su'choma afaya'cho. Nane tsain'bitsse a'ine Chiga condase'choma qui afaya'cho. Toya'caen andene, aya'fane, ande na'sune'qque condase'choma qui afaya'cho.

Canjaen'cho 10:11 ပူးပေါင်းရင်းမြစ်များ

Canjaen'cho 10:10

Qquen susi gi sefacconi'su shondo'su tive'su chipiri findi'cho tevaen'jema isupa an. Aya'fanga botasi tsu tuño cuñajun'choa'caen ansintssi. Tsa'ma tayo ansi ña ttopanga inza'e da.

Canjaen'cho 11:1

Tsomba tse'i tsu ñanga afe canttini'ccoma. Agatto'fa'ca'ma ñanga afepa tsu su: —Japa Chiga ettima agattoja. Chiganga afeye oque oraen'jen'choma'qque agattoja. Toya'caen Chigama iñajansundeccuma agattoja mañi'ccove atesuye.

Canjaen'cho 11:9

Tres a'ta faesu a'ta enttingeve pa'chondeccumbe ai'voja tsaiquini pajin ccuisi poiyi'cco a'i poi andene jipa tise'pama can'boen'faya. Nane tise'pa ai'voma a'tuye se'pisi poi aya'fa afasundeccu poi na'sune jipa can'boen'faya.

Canjaen'cho 14:6

Tsonsi faesu Chigama sefacconi'su shondo'suma gi atte. Tsaja sefaccone chhaje'je Chigambe tsangae ñotsse condase'choma poi ande'su aindeccunga condaye. Nane poi na'su manda'cho, poi a'i, poi aya'fa'su, poi andesundeccu pañañe tsu shondo'suja condaye ja.

Canjaen'cho 17:10

Toya'caen tsa siete tsove tsu siete nasundeccu. Cinco nasundeccu tayo tsu joqquitssi'fa. Fae'cco tsu ja'ñojan manda. Fae'cco tsu toya jimbi. Tsa'ma tise ji'a'qque aqquia re'riccoe tsu mandaccapa pasaya.

Canjaen'cho 17:12

Que atte'cho diez ontsian'ccoja diez nasundeccu tsu. Tsendeccuja toya mandaye ashaen'fambi. Tsa'ma dyo'ccoa cocoya mandasi tsu re'riccoe, fae hora'ca'en, na'suve dapa tisei'ccu manda'faya.

Canjaen'cho 17:15

Toya'caen sefacconi'su shondo'suja qquen ñama su: —Que atte'cho tsain'bio na'en, tsa egae tsincon'su pushesu dyai'tti jincho tsain'bio na'enjan, poi ande'su aindeccu tsu. Nane poi a'i, poi aya'fa, poi na'su manda'su aindeccu tsu.

Canjaen'cho 5:9

Amppi ccuipa tsu cuna settapoen'choma qquen settapoen'fa: Que qui ñotssia findi'cho tevaen'jema isuye; isupa ancaen'cho tuñoma battiañe. Nane quema fi'tti'fasi qui que anjampai'ccu a'ima chavasi tsu Chigambeve da'fa. Tsa'camba qui tevaen'jema fettaye osha. Nane poi a'i, poi aya'fa'su, poi ande'su, poi na'su manda'su a'ima qui chava cuintsu ingija fae Chiga aindeccuve dapa