Amós 7:11 - Cofán: Chiga Tevaen'jen

¹¹ Nane cca'tti cca'tti jacamba tsu su: ‘Matichi'ccu Jeroboamjan paya. Pasi poi israendeccuja faesu andeni angaye'faya'cho.’ ”

Amós 7:11 ပူးပေါင်းရင်းမြစ်များ

2 Reyes 17:6

Osefa'poe Oseas nueve canqque'fa Israel na'suve dapa can'jensi Asiria'su na'su Samariama patsu. Patsupa poi a'ima indipa Asiriani anga. Majama Halahni angapa cutsian cuintsu tseni can'jeñe. Majama Gozán naini angapa Haborni cutsian cuintsu tseni can'jeñe. Toya'caen majama cca'tti'su medondeccu canqqueni anga.

Jeremías 26:9

¿Jongoesie qui ‘Na'su Chiga Silo'su Chigama cachuicco'je'ttima nepianqquia'caen va Chiga ettima'qque nepiaña’ qquen inginga afopoen? Toya'caen ¿‘va canqquema nepiansi ni fae a'iyi'qque tseni canseya'bi’ qquenjan afopoen?” Tsa'caen supa poiyi'cco a'i Chiga ettinga Jeremíasma ttu ccutsu'fa.

Amós 1:1

Toya dos canqque'fa ande oyambi'te Chigaja Tecoa canqqueni canjen'su ovejama coira'su Amósma in'jaemba Israelne conda. Tsaite Uzías Judáma manda'jesi Joás dutssi'ye Jeroboamjan Israelma manda'je.

Amós 7:10

Betelni'su Chigama afa'su, Amasíasja, manda Israel ande na'su Jeroboamnga cuintsu qquen condaye: “Amósja Israel aindeccuma in'jaen cuintsu fae'ngae ñoñamba Que Ti'tsse'tssiama daño'faye. Ñotssimbi tsu tise toyayi afa'jepa va andesundeccuma tsa'caen ccaningae in'jaeñe.

Amós 7:12

Omboe Amasíasja Amósnga qquen su: —¡Joqquitssipa jaja, Chiga Aya'fama afa'su qquen su'cho! Ñoa'me Chiga Aya'fama afaye in'jan'da Judáni japa tseni tsa'caen afapa ganamba canseja.

Mateo 26:61

qquen supa: —Va a'ija su: “Ñajan Chiga ettima osiamba tres a'tangae ccase jangi ccutsiaña.”

Tson'fa'cho 6:14

Ingija paña'fa tise su'choma tsa Jesús Nasareno'su tsu va Chiga ettima osaeñe tson'jen. Toya'caen Moisés ma'caen tsoñe atesian'choma'qque catipa tsu faesu atesian'choma atesiaña.