2 Samuel 12:7 - Cofán: Chiga Tevaen'jen

⁷ Tsonsi Natánjan Davidma su: —¡Que qui tsa tsandie! Toya'caen tsu qquen Na'su israendeccu Chigaja quema su: ‘Quema gi ttu'se Israel na'suve daye. Toya'caen gi quema na'su Saúl'ye ccushaen.

2 Samuel 12:7 ပူးပေါင်းရင်းမြစ်များ

1 Reyes 14:7

Japa Jeroboamnga qquen condaja Na'su Israel Chiga tisenga su'choma: ‘Aindeccu'ye quema ttu'sepa gi ccutsian israendeccu na'suve.

1 Reyes 18:18

Tsa'ma Elíasja su: —Ñajan Israelma noñangian'sumbi gi. Tsa'ma que toya'caen que aindeccu Na'su Chiga manda'choma catipa Baal chigandeccuma iñajamba qui Israelma noñangian'fa.

Daniel 4:22

Que Ti'tsse'tssia'ma canjaen. Nane que coemba ma'caen ti'tsse joccapitssia've da'choma tsu canjaen. Nane Que Ti'tsse'tssia, osha'cho ñotssiama an'bian'cho tsu sefacconi ppo'rotsse atapa. Nane que manda'je'cho'qque tsu poi andeni ja.

Mateo 14:14

Tsa'cansi Jesús shavo'ye sombopa tsain'bio a'ima atte. Attepa injama'cho tsosipie tise'pama mende'ye. Mende'yepa tise'pa pajisundeccuma'qque ccushaen.

1 Samuel 13:13

Samuelja Saúlnga su: —Queja ñoa'me sumbie dapa qui tson. Nane Na'su Chiga quenga manda'choma catipa qui injanga tson. Que tise manda'choma in'jan'choecan'da tsu Chigaja tsangae quema Israel na'suve an'biañe'can.

1 Samuel 15:17

Tsonsi Samuelja su: —Tayoe tisuja joccapitssiambi qquen injan'jen'cho qui ja'ño poi israendeccuma manda'je. Nane Na'su Chiga quema ttu'sesi qui Israel na'suve da.

1 Samuel 16:13

Tse'faei'ccuyi Samuelja aseite an'bianqque'su can'choma isupa chu'ama feti ande na'suve poiyi'cco tise quindyandandeccu camboen'jen'fa'ni. Tsa chu'aja David tsu. Tisema na'suve fetisi tsu Na'su Chiga Qquendya'pa tisema in'jaemba quiñaen. Omboe Samuelja Ramáni ja.