2 Samuel 12:13 - Cofán: Chiga Tevaen'jen

¹³ Na'su tsa'caen su'choma pañamba Davidja Natánga su: —Na'su Chiganga gi egae tsincon. Natánjan Davidma su: —Na'su Chiga que egae tsincon'choma joqquitssiansi qui paya'bi.

2 Samuel 12:13 ပူးပေါင်းရင်းမြစ်များ

Génesis 39:9

Va tsaonijan majañi'qque me'i'on tsu ña'can'me. Ña na'suja jongoesuveyi'qque ñama se'pimbi. Aqquia queveyi tsu ñanga afembi queja tise pushesi. Tsa'cansi, ¿ma'caen gi oshaya quema egae tsomba Chiganga'qque egae tsoñe?

Salmos 103:12

Tayo tsu ingi egae tsincon'choma joqquitssian. Nane chiga sombo'je'cho chiga amppi'je'cho'ye biani jinqquia'caen ingi egae tsincon'choma biani joqquitssian.

Salmos 51:16

Osha'cho va andeni'suma afe'cho tsu quenejan barembi. Bare'choecan'da gi afeye'can.

Salmos 51:4

Quema gi da'ño, tansien quene gi shacapa. Tansien que su'choyi tsu ñoa'me su'cho. Que ñama injama'choma somboeñe su'chota tsu ñoa'me ñotsse su'cho.

Salmos 51:6

Tsa'ma queta qui injama'cho tsosipie ñotsse in'jamba canse'chove ñombi'ye. Tsa'caen ñama'qque in'jaenjan cuintsu ña'qque atesuye.

Éxodo 9:27

Tsonsi faraónjan Moisés toya'caen Aarónme ttu'senga'faye manda. Tise'pa jisi qquen su: —In'jan gi ña egae tsincon'choma. Nane ña, toya'caen ña aindeccu gi shacapa'fa. Na'su Chigaja shacapambi tsu.

Mateo 14:10

Mandasi sundarondeccu picco'je'ttinga japa Juan tsovema chattu.

Lucas 15:21

Tsonsi dutssi'yeja su: “Yaya, ñajan egae tsincomba gi Chigama egae tsomba quema'qque egae tson. Barembi gi que ‘Ña dutssi'ye’ qquen ñama afaye...”

Lucas 18:13

Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”

Tson'fa'cho 2:37

Qquen susi pañamba poiyi'cco pañasundeccu tisupa injama'choni asi'ttaemba ñombi'ye'fa. Ñombi'yepa Pedroma, faesu Jesúsne afasundeccuma'qque iñajampaña'fa: —Faengasundeccu, ¿ma'caen gi tson'faya?

Hebreo'su 9:26

Tsa'cambiecan'da, ñoa'me tsu tiseja va andeve agattointene pa'ñaccapa vanañe'can tsa'caen poiyi'cco tayopi'su a'i egae tsincon'choma'qque joqquitssiañe. Tsa'ma ingi atesuqquia'caen ja'ño Chiga tayo'su a'i'ccu injancco'fa'cho naningesi Cristoja fae seyi a'ive dapa pa a'i egae tsincon'choma nanitsse tsangae joqquitssiañe.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Canjaen'cho 1:5

Jesucristo'qque tsu tsa'caen chigambian. Nane Jesucristoja tansintsse tsu Chigama inginga canjaen. Papa aisheve ccase qquendya'su tsu. Poi ande'su na'suma manda'su tsu. Jesucristoja ingima ñotsse in'jamba tise anjampai'ccu ingima onjoemba ingi egae tsincon'choma ccucha.

1 Samuel 15:20

Pañamba Saúlja su: —Tsa'ma ñoa'me gi Na'suma pañamba tsa'caen tson. Nane amalecitandeccuma fitti'tti sefaemba gi tise'pa na'su Agagma vani i.