2 Samuel 11:27 - Cofán: Chiga Tevaen'jen

²⁷ Ñombi'ye'cho pasasi Davidja manda cuintsu ttu'sepa i'fasi tise ettini can'jeñe. Isi tsu Davidja tisema pushe. Omboe tsandie du'shuve isu. Tsa'ma Na'su Chigaja David tsa'caen tson'choma in'jambipa chi'ga.

2 Samuel 11:27 ပူးပေါင်းရင်းမြစ်များ

Génesis 38:10

Tsa'caen tsinconsi Na'su Chigaja tise tsincon'choma chi'gapa Onánma'qque fi'tti.

2 Samuel 12:9

¿Micomba qui Na'su Chiga aya'fama chi'gapa tise in'jambi'choa've tson? Queja Uríasma fi'ttipa tise pushema itsa tisumbe. Nane amonita sundaroi'ccu qui tisema fi'ttian.

Salmos 5:6

Fi'ttisundeccuma, tansintssia qquen attiamba afopoensundeccuma'qque qui chi'ga. Nane poi afopoensundeccuma qui fi'tti sefaeña.

Isaías 29:15

Va'cha tsu “A'tusija Na'su ñama atteya'bi” qquen in'jan'chondeccu. Nane asi'ttaemba tise'pa tsoña'choma ñoñamba “Chigaja tsama atesumbi” qquen tsu in'jan'fa. Toya'caen egae tsincomba “Chigaja tsama attembi” qquen tsu in'jan'fa.

Mateo 1:6

Isaíja na'su David quitsa tsu. Davidja Urías'ye pasi tsandupajen'choma pushepa Salomón quitsa tsu.

Hebreo'su 13:4

Tsandieja pusheye tsu ñotssi. Pushesu'qque tsa'nduye tsu ñotssi. Tsa'caen antte'fasi egave in'jan'fajama. Tsa'ma majan pushe'ta, majan tsa'ndu'ta ñotsse in'jamba tisenga antte'choi'ccuyi tsu can'jeña'cho. Faesui'ccu can'jen'fajama. Majan tise pushe, tise tsa'nduma catipa faesui'ccu in'jangae can'jen'nijan Chiga Quitsa tsu tsambe injama'choma somboeña.