2 Reyes 5:7 - Cofán: Chiga Tevaen'jen

⁷ Tsa'ma Israel na'su Acabja tsa tevaen'jema camba tisu ñombi'yepa iyicca'ye'choma canjaeñe in'jamba tisu na'su ondiccu'jema indipa chi'tta. Chittapa su: —¿Ñanda ti gi Chiga, a'ima qquendyaeñe toya'caen fi'ttiye oshaye'ta cuintsu Siria'su na'su na congomba paqque'sui'ccu dañonge'choma ña ccushaeñe moeñe'da? Aqquia tsu ñai'ccu iyiccoye in'jamba qquen tsincon.

2 Reyes 5:7 ပူးပေါင်းရင်းမြစ်များ

Génesis 30:2

Tsa'caen susi Jacobja tisema iyicca'yepa su: —¿Ñanda ti gi Chiga? Tsa tsu quemajan tsa'caen du'shu me'cco canseye antte.

Génesis 37:29

Tsa'caen tson'fa'chove atesumbipa Rubénjan toequi posoni jipa Joséve attembipa tise ondiccu'jema chitta tisu ñombi'ye'choma canjaeñe.

Génesis 50:19

Tsa'ma Joséja tise'panga su: —¡Dyombe can'faja! Ñajan Chigambi gi injama'choma somboeñe.

2 Reyes 5:6

Nepipa tevaen'jema afe Israel na'sunga qquen su'choma: “Va tevaen'jema isupa camba qui in'jaña ñama shondo'su Naamánma ña quenga moe'chove tise na congomba paqque'suma que ccushaeñe.”

Daniel 2:11

Ti'tsse'tssia na'su, ñoa'me aiye'pave qui iñajan ni majañi'qque condaye osha'masia've ñoa'me chigandeccuma iñajanqquia'caen. Tsa'ma tsendeccuja a'ini can'jen'fambi.

Oseas 6:1

Jinge poiyi'cco shandapa ccase Na'sunga ja'faye. Tiseja ingima daño'an'qque ccushaeña. Ingima iñaccaen'an'qque se'jeya.

Números 14:6

Toya'caen Josué, Caleb'qque fae'ngae andema cañe jacansundeccupa tisupa ñombi'ye'choma canjaeñe in'jamba ondiccu'jema chi'ttapa

Mateo 26:65

Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.

Lucas 11:54

Ron'da'fa Jesús ccaningae su'chove su'ninda pañamba tise injama'choma somboeñe.

Tson'fa'cho 14:14

Tsa'caen tson'jen'fasi Jesúsne afasundeccu Bernabé, Pablo'qque a'i in'jan'choma attepa tisupa ondiccu'jema chitta'fa. Tsa'caen tsu tson'fa a'i in'jan'choma se'pi'chove canjaeñe. Tsomba a'inga butto catsepa quia'me afa'fa: