2 Reyes 5:15 - Cofán: Chiga Tevaen'jen

¹⁵ Ccushapa toequi tisema shondosundeccui'ccu Eliseoma can'su ja'fa. Tiseni ji ccutsupa tsu Naamánjan su: —Ja'ño gi in'jan poi andeni faesu chiga jimbisi fae Na'su Israel Chiga tsu ñoa'me Chiga. Omboe tsu tsain'bio nasundeccu Israel aindeccuma manda'je'fa. Poiyi'cco egae tsincomba Na'su Chigama ñotsse paña'fambi. Judá andeni'qque tsain'bio nasundeccu, David omba'su dutssiyendeccu, manda'jesi fae pushesu'qque manda. Majan tsendeccu'su Na'suma pañamba ñotsse tson'fa. Tsa'ma faesundeccu egae tsincomba Na'su Chigama ñotsse paña'fambi.

2 Reyes 5:15 ပူးပေါင်းရင်းမြစ်များ

Génesis 33:11

Tsa'cansi gi iñajan quenga afeye i'choma isuja. Nane Chiga tsu ñama ricove tsonsi gi osha'choma shacambitsse an'bian. Tsain'bitsse tsa'caen iñajansi Esaúja tsa afe'choma in'jamba isu.

1 Reyes 18:36

Tsonsi Chiganga afeya'cho hora nepisi Chiga aya'fama afa'su Elíasja catsepa quian'me su: “Na'su Chiga, Abram, Isaac toya'caen Israel Chiga, ja'ño a'ta canjaenjan cuintsu poiyi'cco atesu'faye queja ñoa'me Israel Chigave. Toya'caen canjaenjan cuintsu atesu'faye ñajan quema shondo'supa que mandasi ja'ño que suqquia'caen vama tson'jen'chove.

2 Reyes 5:8

Omboe Chigama afa'su Eliseoja Israel na'su tsa'caen tevaen'jema camba tisu ondiccu'jema chi'tta'choma pañamba qquen aya'fama moe: “¿Jongoesie qui tisu ondiccu'jema chi'tta? Naamánma ñani moejan cuintsu poiyi'cco atesu'faye Na'su Chiga aya'fama afa'su toya Israelni can'jen'chove.”

Daniel 2:47

Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

Daniel 3:29

Ja'ño ñajan manda: Majan a'i, mani'su canqque, mani'su ande, faesu aya'fangae afa'je'chondeccu can'jeñe'qque va dusungandeccumbe Chigama egae afa'ta tsu gettiyepa pasi tise'pa tsa'o'qque osuipa amppipa boñame daya'cho. Nane faesu chiga qquen ccushaeñe osha'chove me'i'on tsu.”

Daniel 4:34

“Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Romanos 10:10

Nane injama'choi'ccu in'jaña'cho cuintsu Chigaja suye: “Queja ño'a.” Toya'caen tisu aya'fai'ccu Jesúsve in'jan'choma condaseya'cho cuintsu Chiga que'ima ccushaeñe.

2 Corinto'su 9:5

Tsa'caen asi'ttaemba gi faengasundeccuma que'inga o'tie moen que'i afe'je'choma toya ñoñambipa ansange'fasa'ne. Tsendeccu jipa fuite'fasi qui que'i afeye su'choma ñoñaña'cho. Tsonsi ña omboe jisi qui avujatsse an'bian'faya. Nane tsa'caen ñoñamba tayo in'jan'da afeya'cho tsu. Itsaya'bi'choa tsu.

Josué 9:24

Pañamba Josuénga su'fa: —Que'ima shondosundeccu gi a'tatsse paña'fa ma'caen Na'su que'i Chiga tisema shondo'su Moisésma manda cuintsu anttembe pa'cco va ande'su aindeccuma fitti'tti sefaemba pa'cco va andema tisumbe isuye. Tsa'caen paña'jemba gi paye dyojopa tsa'caen afopoen'fa tisupama ccushaeñe.

Josué 9:9

Tsonsi tsu su'fa: —Que'ima shondosundeccuja ñoa'me biani'su andeni can'jemba Na'su que'i Chigama pañamba gi ji'fa. Nane Na'su Chiga Egiptosundeccuma tson'choma pañamba