2 Reyes 5:13 - Cofán: Chiga Tevaen'jen

¹³ Tsa'ma tisema shondosundeccuja tisenga catsepa su'fa: —Na'su, ¿tsa Chiga aya'fama afa'su ñoa'me aiye'pave manda'choecan'da ti qui tsa'caen tsombiye'can? Tsa'ma tiseja aye'pambi'ccoe mandapa ‘Onjomba qui ccushaya’ qquen su'chomanda tsu tsa'caen tsoncaña'cho.

2 Reyes 5:13 ပူးပေါင်းရင်းမြစ်များ

Génesis 41:43

Tsa'caen ondiqquian nanimba na'su faraón omboe ja'je'cho caronga otsiamba aindeccuma manda cuintsu tisema o'tie jayipa qquen fundo'faye: “¡Joqquitssi'faja cuintsu panshañe!” Tsa'cansi tsu poiyi'cco a'i José Egipto'su na'suve da'choma atte'fa.

2 Reyes 2:12

Tsama attepa Eliseoja quian'me su: “¡Ña yaya, Ña yaya'can qui! ¡Que qui coira'su sundaro caro, coira'su cavayo sundarondeqquia'can Israelma coira'su!” Tsama attepa ccase Elíasma attembi. Tsomba tse'i Eliseoja tisu ñombi'ye'choma canjaeñe in'jamba tisu ondiccu'jema indipa chitta.

2 Reyes 5:10

Tsa'ma Eliseoja tisu sombombe'yi tisema shondo'suma moe cuintsu qquen condaye: “Japa Jordán na'enga siete se onjomba qui giya'tsse ccushaya que na congomba paqque'suma.”

2 Reyes 5:3

tisema su: “¿Ma'caen'qque ña na'su Samariani japa tseni'su Chiga aya'fama afa'sunga catse'ta tsu tise na congomba paqque'suma ccushaya?”

Salmos 51:2

Cashi catija ña in'jangae tsincon'choma. Ccucha catija ña egae in'jan'choma.

Salmos 51:7

Canttini'cco tosei'ccu ñama cashija tsayita gi giya'tssiya. Ñama cashija cuintsu ñajan chandisu'ccoma ti'tsse tototssiye.

Isaías 1:16

¡Tisuma cashi'faja! ¡Que'i egae tsincon'choma ccucha'faja! ¡Nane que'i egae tsincon'choma cati'faja ña attesa'ne! ¡Egae tson'jen'choma antte'faja!

Mateo 23:9

Toya'caen faesu va ande'su a'ima ni fae'ccoveyi'qque “ño'a quitsa” qquen afa'fajama. Nane fae Sefacconi Canjen'su Chiga Quitsaveyi tsu tsa'caen afaya'cho.

Juan 13:8

Pedroja su: —Minguite'qque ña tsu'ttemajan cashiya'bi qui. Qquen susi Jesúsja su: —Ña quema cashimbian'da ñai'ccu fae'ngae can'jeñambi qui.

Juan 9:7

Pechaemba su: —Japa Siloé singu'ccunga ovashi'ngaja. Siloé tsu “manda moen'cho” qquen su'cho. Binijan japa ovashi. Ovashipa ji'ta tayo atteye osha.

Tson'fa'cho 22:16

Tsonsi ja'ñojan, ¿jongoesie qui ronda'je? Jangipa fetiyeja. Na'su Jesúsma iñajanjan cuintsu cashiqquia'caen que egae tsincon'choma joqquitssiañe.

1 Corinto'su 1:21

Va ande'su a'ija tise'pa in'jan'choi'ccu Chigama ttatta'ma atesu'fambi Chiga osha'choma ñotsse in'jamba tsa'caen anttesi. Nane ñotsse in'jamba Chigaja Tise su'choi'ccu a'ima ccushaen. Poiyi'cco majan va ingi candusiamba condase'choma pañamba in'jan'da tsu ccusha'faya. Tsa'ma cca'indeccuja “injiengembitssia afa'cho tsu” qquen in'jamba ccusha'faya'bi.

1 Corinto'su 1:27

Tsa'ma Chigaja va ande'su “injiengembindeqquiama” tsu ttu'se cuintsu injama'pandeqquiama qqueña'faye. Va ande'su “quin'su mechondeqquiama” ttu'se cuintsu mandasundeccuma qqueña'faye.

1 Corinto'su 4:15

Nane tsain'bio a'i Cristove in'jan'cho can'jen'fa que'ima fendepa angacanqquia'caen ti'tsse Cristone atesiañe. Tsa'ma Cristone aisheve conda'suja fae'ccoyi tsu jin. Ñajan va ñotsse condase'chone aisheve que'inga condasesi que'i Cristo a'ive da'fasi gi que'i yayave da.

Titonga 3:5

Tsa'caen attiamba tsu ingima ccushaen. Ingi jongoesuma ñotsse tson'jen'chove in'jambe'yi ingima mende'yepa aqquia in'jamba tsu tsa'caen ccushaen. Nane Tiseja ingima cashiqquia'caen giya'tsse cuna a'ive tsomba ccushaen. Chiga Qquendya'pa'qque ingima cuname qquendyaemba ccushaen.

Hebreo'su 10:22

Tise tsa'caen ingine afa'ninda jinge tise've in'jamba ti'tsse Chigama atesu'faye. Ingi injama'choni se'pimbe'yi ñoa'me Jesucristo ingi'ccu can'jemba fuite qquen in'jamba Chigama ti'tsse atesu'faya'cho. Nane Jesucristoja tise anjampa tssansi ingi injama'choma giya'tsse tson. Tsa'caen giyaensi gi ingi egae tsincon'choma aqque'paye osha'fa. Toya'caen tayopi'su Chigama afasundeccu chandi'tssia tsa'ccui'ccu ai'voma onjonqquia'caen ingi'qque giya'tsse dapa Chigama ti'tsse atesu'faya'cho.

1 Pedro 3:21

Ingi fetiyepa ccusha'cho'qque tsu tsa'cañi. Nane feti'cho tsa'ccuja ai'vo amunde'osi cashi catimbi. Tsa'ma Jesucristo papa ccase qquendya'cho tsu ingima ccushaen. Ccushapa gi fetiyepa Chigama iñajan'fa injama'choni ñotsse tsoñe in'jamba.

Canjaen'cho 7:14

Iñajampañasi gi su: —Na'su, que qui atesu. Tsonsi tsu su: —Ñoa'me vana'jeinte tsu vandeccuja ccushapa sombo'fa. Nane Ovejambe anjampa tssan'choi'ccu tise'pa ondiccu'jema giya'tsse totoave cashipa tsu ccusha'fa.