2 Reyes 5:11 - Cofán: Chiga Tevaen'jen

¹¹ Tsama pañamba Naamánjan ñoa'me iyicca'ye. Iyicca'yepa qquen supa ja: —Ñanda gi in'jan Chiga aya'fama afa'su sombopa ñanga catse ccutsupa Na'su tise Chigama iñajamba tivei'ccu na congomba jinchoma canjaensi ti gi ccushaya.

2 Reyes 5:11 ပူးပေါင်းရင်းမြစ်များ

Génesis 20:7

Tsa'ma ja'ño tsa pushesuma tise tsa'ndunga afeja. Nane tise tsa'nduja ñane afa'su tsu. Tise que'ine ñama iñajan'ninda qui ccusha'faya. Tsa'ma tise pushema afembi'ta qui ñoa'me que, que aindeccu'qque pa'faya.”

2 Reyes 5:10

Tsa'ma Eliseoja tisu sombombe'yi tisema shondo'suma moe cuintsu qquen condaye: “Japa Jordán na'enga siete se onjomba qui giya'tsse ccushaya que na congomba paqque'suma.”

2 Reyes 5:12

Nane Damasco canqque'su Abana na'en toya'caen Farfar na'en tsu poiyi'cco Israel ande'su na'ema bove ñotssi. ¿Oshambi ti gi tseni japa onjomba ccushaye'ta? Tsa'caen supa ñoa'me iyicca'yepa tse'ttie ja.

Proverbios 3:7

Tisuja ñoa'me injama'pa qquen in'janjama. Tsa'ma Na'suve in'jamba pañamba osha'cho ega'ye joqquitssija.

Mateo 15:27

Pañamba pushesuja su: —Ju, na'su, ñotsse qui su. Tsa'ma ainshavaja an'jen'cho mesa tsosiccuni ccuipa an'jensi sheque'je'choma tsu an'jen'fa.

Mateo 19:22

Tsa'ma chu'a tsandie tsama pañamba ñoquimbi'ccoe dapa ja. Nane osha'choma an'biamba ñombi'ye.

Mateo 8:8

Qquen susi capitán tsu su: —Na'su, ñotssimbi gi cuintsu queja ña tsaoni jiye. Tsa'ma queja toe'tti ccutsupa mandaja cuintsu ñambe sema'su ccushaye. Mandasi tsu ccushaya.

Lucas 14:11

Poiyi'cco majan patsuye in'jan'da utu'ccoe tsu da'faya. Tsa'ma poiyi'cco majan patsuye in'jambi'ta ti'tsse joccapitssia've tsu da'faya.

Juan 13:20

Ñoa'me gi que'inga su: Majan ña mandasi ja'suma in'jan'da ñama'qque tsu in'jan. Majan ñama in'jan'da ñama moen'suma'qque tsu in'jan.

Juan 4:48

Tsonsi Jesúsja su: —¿Que'ija ccushaemba canjaen'choma attembi'ta ti qui in'jan'faya'bi?

Hebreo'su 12:25

Chiga Jesucristoi'ccu que'inga afa'choma ñotsse paña'faja. Chigaja tayopi'su a'inga Moisési'ccu condasesi paña'ma chi'ga'fa. Tise'pa tsa'caen aqquia a'i'ccu su'choma chi'gapa catiye'nijan ¿ma'caen qui que'ija Jesucristo su'choma chi'ga'ta ccusha'faya?