2 Reyes 25:4 - Cofán: Chiga Tevaen'jen

⁴ Tsequi a'ta canqque ttuccuma canshaemba na'su Sedequíasja poiyi'cco tise sundarondeccui'ccu cose canqque'ye sombopa ccuyin ja'fa. Nane Babilonia'su caldeo sundarondeccu toya canqquema ttupa ronda'je'fa'ni'qque tsu canqque'su dos ttuccu enttinge'su sombo'tti'ye sombopa na'sumbe tetaccungae japa Jordán na'en sinjunccuni ccuyin ja'fa.

2 Reyes 25:4 ပူးပေါင်းရင်းမြစ်များ

2 Reyes 25:5

Tsa'ma caldeo'su sundarondeccu na'su Sedequíasma mandiamba japa Jericó sinjunccuni tisema indi'fa. Indi'fasi Sedequías sundarondeccuja tisema catipa attufaen japa ccuya'fa.

Jeremías 32:4

Patsusi na'su Sedequías'qque ccushaya'bi. Nane caldeondeccu tisema indisi tsu Babilonia'su na'sunga ccutsuya'cho injama'choma somboengeye.

Jeremías 38:18

Tsa'ma que'i tisupama tise'panga afembian'da tsu caldeondeccuja va canqquema patsupa oque'faya. Ni que'qque ccushaya'bi.’

Levítico 26:17

Nane ña'qque que'i'ccu iyiccosi tsu que'i enemigondeccuja que'ima patsu'faya. Que'ima chi'gasundeccu tsu que'ima manda'faya. Faesu que'ima mandiambi'ma qui aqquia buttocan'faya.