2 Reyes 23:3 - Cofán: Chiga Tevaen'jen

³ Omboe na'suja Chiga etti'su chan'jime dyaiña'cho jini jangi ccutsupa Na'su Chigai'ccu injancco'fa'chove afa. Nane Na'su Chigama pañamba anttembe'yi tsa'caen cansepa pa'cco tise injama'choi'ccu, pa'cco in'jan'choi'ccu tsa'caen tsoñe afa. Pa'cco Chiga Tevaen'jen mandaqquia'caen tsoñe qquen susi poi aindeccu'qque tsa'caeñi injancco'fa'chove afa'fa. Tsonsi na'su Josías mandasi Chigama afasundeccuja osha'cho faesu Baal toya'caen Asera chigandeccu jincho'cho, poi ñoña'cho chigandeccuma'qque Chiga etti'ye joqquitssipa ju'ru sefaen. Poiyi'cco tsesu chigandeccuma afasundeccuma fitti'tti. Osha'cho cca'tti cca'tti ccutsu'cho poi canqquenga faesu chigandeccuma iñajan'jen'ttima'qque osuipa sefaen. Toya'caen tayopi'su Israel na'su Jeroboam ñoña'cho Chiganga oque oraen'jen'choma asi'ttapa dañomba sefaen. Tsa'caen andema giyaeñe nanisi toequi Jerusaléni japa can'jen.

2 Reyes 23:3 ပူးပေါင်းရင်းမြစ်များ

Éxodo 24:3

Tsa'caen pañamba Moisésja Na'su Chiga afapa manda'choma aindeccunga condase. Pañamba poiyi'cco fae'ngae in'jamba qquen su'fa: —Jinge pa'cco Na'su Chiga manda'choma pañamba tsoñe.

Deuteronomio 6:1

Qquen tsu Na'su que'i Chigaja tise manda'choma afapa manda ña que'inga atesiañe cuintsu que'i an'biaña'cho andeni can'jemba tsama pañamba tsa'caen tson'faye.

Deuteronomio 6:5

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Hebreo'su 12:24

Ñoa'me qui Jesúsnga catse'fa. Tiseja Chiga cuname a'i'ccu fae'ngae injancco'fa'choma a'inga condapa ingine afa'su tsu. Tise anjampa tssansi a'ima tsangae nanitsse ccushaen. Nane Caínjan tayopi Abelma fi'ttisi Abel anjampaja tssan. Tise anjampa tssan'cho afaye osha'choecan'da tsu: “Ccane'qque Caínma fi'ttija” qquen suye'can. Tsa'ma Jesús anjampa tssan'cho afaye osha'choecan'da tsu: “Poiyi'ccoma ccushaenjan” qquen afaye'can.

Hebreo'su 13:20

Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa