2 Reyes 22:13 - Cofán: Chiga Tevaen'jen

¹³ —Japa ñane Na'su Chigama iñajamba poi Judá'su aindeccune'qque iñajan'faja. Nane va atte'cho tevaen'jema camba gi in'jan Na'su Chiga ingima ñoa'me iyicca'ye'choma. Ingima tayopisundeccu va manda'choma pañambi'fa. Pañambipa va manda'cho tevaen'jema mandaqquia'caen tson'fambi.

2 Reyes 22:13 ပူးပေါင်းရင်းမြစ်များ

Nehemías 9:3

Nane tsa'caen ccutsupa tsu tres horave paña'fa Na'su tise'pa Chiga manda'cho tevaen'jema afa'choma. Pañamba faesu tres horave tsu tisupa egae tsincon'choma Na'su Chiganga condasepa tisema ñotsse afa'fa.

Salmos 106:6

Ingi tayopi'su coenzandeqquia'caen gi egae tsincon'fa. In'jangae tsincomba gi egae tson'fa.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Proverbios 3:6

Jongoesuma tsoñe in'jan'da o'tie Na'suma in'janjan. Tiseja que tsaiquima tansianqquia'caen quema fuiteya ñotsse tansintsse in'jamba canseye.

Levítico 26:14

“Que'i ñama pañambipa ña mandaqquia'caen tson'fambiya'da–

Amós 3:7

Nane Na'suja jongoesuve tson'jen'da tsu tise Aya'fama afasundeccunga conda.

Romanos 3:20

Tsa'cansi a'ija Chiga manda'choma pañamba tso'an'qque toya tsu napiya'bi cuintsu Chigaja suye “Que qui ño'a.” Nane a'inga tise'pa egae tsincon'chone canjaeña'choveyi tsu Chigaja Tise manda'choma afa.

Romanos 4:15

Nane manda'choma pañamba tsombian'da vanaeña'cho. Tsa'ma manda'chove me'i'ecan'da tsu a'i'qque shacave mecho'faye'can tsesu manda'chone.

Romanos 7:9

Tayoe manda'choma toya pañambi'teta gi canse. Tsa'ma manda'choma pañamba ti'tsse egae tsincoñe in'jamba gi pa.

Deuteronomio 27:26

Majan va manda'choma chi'gapa tsa'caen tsombi'ninda tsu Chigaja iyicca'yepa tsangae qqueñaña.” Tsonsi poiyi'cco israendeccu tsama pañamba su'fa: “Ju, tsa'can tsu.”

Canjaen'cho 6:17

Ñoa'me tsu Tise'pa iyicca'yeya'cho a'ta ji. ¿Majan tsu Tise'panga ccutsupa ccushaye osha'faya?