2 Reyes 2:9 - Cofán: Chiga Tevaen'jen

⁹ Tayo isepa tsu Elíasja Eliseoma su: —Toya ñama que'ye joqquitssiambi'te ñanga condaja jongoesuve ña quenga tsoña'chove. Tsonsi Eliseoja su: —In'jan gi que oshaqquia'caen dos se ñanga afeye ña quia'caen oshapa ti'tsse oshaya'chove. Tsonsi Elíasja su:

2 Reyes 2:9 ပူးပေါင်းရင်းမြစ်များ

1 Reyes 19:16

Tsa Nimsi omba'su dutssi'ye, Jehúma'qque ttu'sepa fetija Israel na'suve. Toya'caen Abel-mehola canqque'su Safat dutssi'ye Eliseoma ttu'sepa fetija cuintsu quema omboe Chiga aya'fama afa'suve daye.

1 Reyes 3:9

Tsa'cansi in'jan gi ña quema shondo'sunga que afesi ñajan jongoesu tsu ñotsse tson'cho qquen in'jamba, jongoesu tsu egae tson'cho'qque in'jañe. Nane tsa'caen in'jamba gi que aindeccuma ñotsse mandaya. Nane tisuyi gi oshambi va que in'jan'cho aindeccuma mandaye.”

Zacarías 12:8

Ña, Na'su, gi Jerusaléni canjensundeccuma ñotsse coiraya. Majan ñoa'me oshambi'choa tsu tayopi'su na'su David'caen quin'anme da'faya. Toya'caen David omba'su dutssiyendeccu tsu Chiga'caen, Na'su Chigama sefacconi'su shondo'sia'caen aindeccuma angacan'faya.

Números 11:17

Tseni gi andepa que'i'ccu condasepa quenga afe'cho Qquendya'pama enttingeve isupa tsendeccunga afeya cuintsu quema fuitepa aindeccuma angacan'faye. Tsa'caen tson'nijan fae'ccoya'bi qui.

Números 11:25

Tsa'caen tsonsi Na'su Chigaja unjimba'ccoi'ccu andepa Moisésnga afa. Afa nanimba Moisés an'bian'cho Qquendya'pama enttingeve isupa tsa setenta israe'su coenzandeccunga afe. Tsa'caen Chiga Qquendya'pa tise'panga ca'nisi Chiga Aya'fama afa'fa. Tsa'ma ti'tsse tsa'caen afa'je'fambi.

Juan 16:7

Tsa'ma ñoa'me gi su, que'ine bove ñotssi tsu ña jaye'ja. Nane ña jambian'da tsa Fuite'suja que'inga jipa can'jeñambi. Tsa'ma ña japa gi Tisema moeña que'inga.

Tson'fa'cho 1:8

Tsa'ma Chiga Qquendya'pa que'ima in'jaen'nijan que'i'qque qui osha'choma osha'faya. Tsa'caen oshapa qui ñane Jerusalén canqqueni condase'faya. Toya'caen qui Judea andeni, Samaria andeni, ñoa'me poi biani'su andenga'qque ñane condase'faya.

Tson'fa'cho 8:17

Tsa'cansi Pedro, Juan'qque Chigama iñajamba tivei'ccu tsendeccuma pporaensi tse'faei'ccuyi Chiga Qquendya'paja tsendeccunga ca'ni.

1 Corinto'su 12:31

Tsa'cansi ñotsse in'jan'faja cuintsu osha'ta bove ñotsse Chiga Qquendya'pa in'jaen'choma isupa tsa'caen tson'faye. Tsa'ma ja'ño gi Chiga Qquendya'pa in'jaensi bove ñotsse canseya'chone que'inga condaya.

Deuteronomio 34:9

Nane Moisés tisu tivei'ccu Nun dutssi'ye Josuénga pporaensi Josuéja osha'chove in'jan'cho qquendya'pai'ccu mandasi israendeccu tisema pañamba Na'su Moisésnga mandaqquia'caen tson'fa.

1 Timoteoga 5:17

Manda'su coenzandeccu Cristove in'jamba bo'je'choma ñotsse manda'fasi tise'pama ñotsse in'jamba tsu ñotsse afepoeña'cho. Nane majan candusiamba ñotsse atesian'jensi tsu tsa'caen in'jamba afepoeña'cho.