2 Reyes 2:15 - Cofán: Chiga Tevaen'jen

¹⁵ Tsonsi Jericó'su Chiga aya'fama afasundeccu tseni isevetsse ccutsusundeccuja tsama attepa su'fa: “Ñoa'me tsu Chigaja Elíasma oshaenqquia'caen ja'ñojan Eliseoma tsa'caen oshaen'jen.” Tsa'caen supa tisenga catsepa andenga puntssan'fa.

2 Reyes 2:15 ပူးပေါင်းရင်းမြစ်များ

1 Reyes 19:16

Tsa Nimsi omba'su dutssi'ye, Jehúma'qque ttu'sepa fetija Israel na'suve. Toya'caen Abel-mehola canqque'su Safat dutssi'ye Eliseoma ttu'sepa fetija cuintsu quema omboe Chiga aya'fama afa'suve daye.

2 Reyes 2:7

Ja'fasi cincuenta Chiga aya'fama afasundeccu jipa biane ron'da ccutsu'fa tise'pama isevetsse. Elíasja Eliseoi'ccu Jordán na'en otafani japa ron'da ccutsu'fa.

Isaías 11:2

Na'su Chiga Qquendya'pa tsu tisei'ccu tsangae can'jemba in'jaeña cuintsu osha'choma atesupa in'jañe. Qquendya'pa can'jensi tiseja cca'ima ñotsse in'jaemba tansintsse mandapa Na'su Chigama ñotsse in'jamba dyoe'sui'ccuyi paña'jeña.

Amós 7:14

Tsa'ma Amós tisema su: —Chiga Aya'fama afa'sumbi gi. Ni tisuma tsesuve canjaembi gi tsai'ccu ganamba canseye. Tsa'ma ovejama coira'suve gi semamba canse. Toya'caen tsampi'su higoma taipa gi ganamba canse.

Tson'fa'cho 1:8

Tsa'ma Chiga Qquendya'pa que'ima in'jaen'nijan que'i'qque qui osha'choma osha'faya. Tsa'caen oshapa qui ñane Jerusalén canqqueni condase'faya. Toya'caen qui Judea andeni, Samaria andeni, ñoa'me poi biani'su andenga'qque ñane condase'faya.

2 Corinto'su 12:9

Tsa'ma Na'suja ñama su: “Naniña tsu Ña quei'ccu can'jensi. A'i vana'jensi gi ñoa'me tisema fuiteye osha.” Na'su qquen susi gi vana'je'an'qque avujatsse afa'je. Nane vana'jemba gi avujatsse afa'je cuintsu Cristo ñai'ccu can'jemba ti'tsse ñama fuiteye.

Josué 3:7

Tsonsi Na'suja Josuéma su: “Ja'ño gi quema ti'tsse'tssia've tsoña cuintsu poiyi'cco a'i in'jan'faye ma'caen ña Moisésma fuiteqquia'caen quema'qque fuite'choma.

Josué 4:14

Tsequi a'ta tsu Na'suja Josuéma ti'tsse'tssia've tson cuintsu Moisés cansuite in'janqquia'caen tisema'qque ñotsse in'jamba paña'faye.

1 Pedro 4:14

Que'ija Cristo aindeccusi faesundeccu afase'ni'qque avujatssi'faya'cho. Nane Chiga Joccapitssia Qquendya'pa que'i'ccu can'jensi qui tsa'caen avujatssi'faya.