2 Reyes 2:12 - Cofán: Chiga Tevaen'jen

¹² Tsama attepa Eliseoja quian'me su: “¡Ña yaya, Ña yaya'can qui! ¡Que qui coira'su sundaro caro, coira'su cavayo sundarondeqquia'can Israelma coira'su!” Tsama attepa ccase Elíasma attembi. Tsomba tse'i Eliseoja tisu ñombi'ye'choma canjaeñe in'jamba tisu ondiccu'jema indipa chitta.

2 Reyes 2:12 ပူးပေါင်းရင်းမြစ်များ

Génesis 37:34

Tsa'caen supa Jacobja tisu ondiccu'jema chittapa pasi ñombi'ye'choma canjaenqque'su ondiccu'jema ondiccu. Tsa'caen ondiccupa tsain'bio a'ta tise dutssi'ye pa'chone inambani canse.

Génesis 5:24

Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

2 Reyes 2:13

Chittapa omboe Eleseoja, Elías tisu oppoen'cho sarupama cati'choma attepa isu. Isupa toequi Jordán naini japa otafani ccutsu.

2 Reyes 5:13

Tsa'ma tisema shondosundeccuja tisenga catsepa su'fa: —Na'su, ¿tsa Chiga aya'fama afa'su ñoa'me aiye'pave manda'choecan'da ti qui tsa'caen tsombiye'can? Tsa'ma tiseja aye'pambi'ccoe mandapa ‘Onjomba qui ccushaya’ qquen su'chomanda tsu tsa'caen tsoncaña'cho.

Marcos 16:19

Pan tsa'caen afa nanimba Na'su Jesúsja Chiga sefacconi ansunde. Ansundepa ñoa'me na'suve dapa Chiga tansinfanga dyai.

Lucas 2:15

Tsa'caen afa nanimba poiyi'cco Chigama sefacconi'su shondosundeccu ja'fasi oveja coirasundeccu tisupaporai'ccu condasecco'fa: —Jinge Beléni jaye. Na'su Chiga va ñotsse tson'choma inginga condase'choma japa atteye.

Lucas 24:51

Toya tsa'caen iñajan'jen'ttie Jesúsja tise'pama catipa sefacconi ansundin ja.

Juan 3:13

Majañi'qque sefacconi ansundepa andepa conda'fambi. Tsa'ma Sefaccone Ji'cho A'i gi andenga ande'cho condaye osha.

Tson'fa'cho 1:9

Jesús qquen afa nanisi Chigaja tisema sefacconi ansundian toya tisema shondosundeccu caña'jen'ni. Tsa'caen ansundiansi unjimba'cco piccosi ccatsse tisema atte'fambi.

Tson'fa'cho 27:24

su: “Dyojama, Pablo. Queja Na'su Césarni qui jaya'cho. Toya'caen Chigaja quema in'jamba tsu antte cuintsu quei'ccu barconga jacansundeccu'qque ccusha'faye.”

Tson'fa'cho 8:2

Tsa'ma tsa'caen ccuya'fasi majan Chigave in'jan'chondeccuja Estebanma mende'yepa a'tu'fa. Tsa'caen a'tupa tsain'bitsse i'na'fa Estebane.

2 Corinto'su 5:2

Vani can'jemba injama'choni attuse'je'fa. Injama'choni in'jan'fa va ai'voma catimbe'yi ingi sefani'su ai'vonga ca'niñe.

2 Corinto'su 5:4

Nane toya va ai'voi'ccu can'jemba vana'jemba injama'cho tsosipie ñombi'ye. Nane papa va ai'voma qqueñañe dyojo. Bove ñotssi tsu ingi cuna ai'vonga'qque ca'niñe. Tssoruma cunanga ejianqquia'caen pasaqque'su tsangae pasa'masiave daye gi in'jan'fa.

Efeso'su 4:8

Tsa'cansi tsu Chiga Tevaen'jenjan su: Tsain'bio piccoye'chondeccuma ccushaemba Sefacconi ansundepa tsendeccuma'qque ansundian. A'inga Tiseja osha'choma afe.

Canjaen'cho 11:12

Dyopa camboen'jen'fa'ni tsa dos Chiga Aya'fama afasundeccuja sefacconi'su aya'fama paña'fa. Aya'faja tise'pama qquen su: —Vani ansunde'faja. Tsonsi tise'pai'ccu iyiccosundeccu camboen'jen'fa'ni tsu unjimba'ccongae sefacconi ansunde'fa.