2 Reyes 2:1 - Cofán: Chiga Tevaen'jen

¹ Na'su Chiga Elíasma fingian fentsindaccui'ccu tisu sefacconi angaya'cho a'ta nepisi tsu Elías Eliseoi'ccu fae'ngae Gilgalne sombo'fa.

2 Reyes 2:1 ပူးပေါင်းရင်းမြစ်များ

Génesis 5:24

Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

1 Reyes 19:11

Tsa'ma Na'suja su: “¡Fattocco chango'ye sombopa ccotta'cconi ñanga ccutsuja!” Tsa'caen supa tse'faei'ccuyi Na'su Chigaja jipa panshaen. Nane quian'me fingiansi ccotta'cco dosi patu'qque ucca sheque. Tsa'ma Na'suja tsa fingiani can'jembi. Fingiama omboe tsu ande oya. Tsa'ma Na'suja ande oya'je'choni can'jembi.

1 Reyes 19:4

Tsama catipa ti'tsse joccani a'i menia ja. Fae a'ta pa'cco japa quimbipa dyai fundui'si quini'jin tsosiccuni. Ñombi'yepa paye in'jamba Na'sunga su: “Nanitssi tsu, Na'su. ¡Antteja cuintsu ña paye! Nane ñanda gi ña tayopisundeccuma ti'tsse ñotssimbi.”

2 Reyes 2:11

Tsa'caen condase nanimba toya condasé jayi'fa. Tse'faei'ccuyi tise'pa enttinge'ye si'nge caro toya'caen si'nge cavayondeccu attiamba Elíasma sefacconi anga'fa fingian fentsindaccui'ccu.

Job 38:1

Tsonsi Na'su Chigaja Jobma pañamba fingian fentsindaccu'ye afapa qquen su:

Lucas 9:51

Tisu papa sefacconi jaya'cho pan napijisi Jesúsja tansintsse Jerusaléni jaye ashaen. Tisema o'tie a'ima moensi japa Samaria ande'su canqqueni ca'ni'fa tsa'ove afaye.

Tson'fa'cho 1:9

Jesús qquen afa nanisi Chigaja tisema sefacconi ansundian toya tisema shondosundeccu caña'jen'ni. Tsa'caen ansundiansi unjimba'cco piccosi ccatsse tisema atte'fambi.

Hebreo'su 11:5

Tayopi'su Enoc'qque Chigave in'jamba pambe'yi Chiganga ansunde. Chiga tisema ansundiansi a'ija ccase tisema atte'fambi. Nane Chiga Tevaen'jen tsu conda ma'caen Chigaja toya Enocma ansundiambi'te tsu su: “Enocja ño'asi gi avujatssi.”

Josué 4:19

Nane primer ccovu decimo a'ta tsu israendeccuja Jordán na'ema isepa Gilgalni ansundepa can'jen'fa. Gilgalta tsu Jericónima chiga sombo'jefani.

Josué 5:9

Tsonsi Na'su Chigaja Josuéma su: “Va chhiyitevaen'choi'ccu gi que'i Egiptoni can'jemba ansange'choma joqquitssian.” Tsa'cansi tsu va'ttija Gilgal qquen inisecho'cho.

Canjaen'cho 11:12

Dyopa camboen'jen'fa'ni tsa dos Chiga Aya'fama afasundeccuja sefacconi'su aya'fama paña'fa. Aya'faja tise'pama qquen su: —Vani ansunde'faja. Tsonsi tise'pai'ccu iyiccosundeccu camboen'jen'fa'ni tsu unjimba'ccongae sefacconi ansunde'fa.