2 Reyes 19:2 - Cofán: Chiga Tevaen'jen

² Tseni japa ttu'se cuintsu tise'be na'su tsa'oma coira'su na'su, Eliaquim, toya'caen tayopi'su tson'choma tevaen'su, Sebna, tiseni ji'faye. Poi Chigama afasundeccu, coenzandeccuma'qque ttu'se. Tsendeccuma tsu ttu'se cuintsu tsincco'cco'je'cco'a sarupama ñoña'cho ondiccu'jema ondiccupa Chiga aya'fama afa'su, tsa Amoz dutssi'ye, Isaíasi'ccu bopa condasecco'faye.

2 Reyes 19:2 ပူးပေါင်းရင်းမြစ်များ

2 Reyes 19:3

Condaseccopa tsu na'su in'janqquia'caen qquen su'faya'cho: “Ja'ño gi ñoa'me vana'jen'fa. Cca'i ingima noñangiansi gi ansangepa can'jen'fa. Nane pushesu pan du'shuve isuye tson'jemba quin'su me'choe dapa oshambiqquia'caen gi osha'fambi.

Isaías 1:1

Na'su Chiga tisema in'jaensi Amoz dutssi'ye Isaíasja Chiga Judáne toya'caen Jerusaléne su'choma afa. Nane Uzías, Jotam, Acaz toya'caen Ezequías Judá andema manda'je'fa'ni tsu Isaíasja Chiga Aya'fama afa.

Jeremías 19:1

Na'suja ñanga qquen su: “Japa apima chavapa majan canqque'su coenzandeccu toya'caen majan Chigama afa'su coenzandeccuma'qque ttu'seja.

Mateo 4:14

Jesúsja tseni can'jen Chiga Tevaen'jen suqquia'caen tsoñe. Nane tayopi'su Isaíasja qquen tevaen:

Lucas 3:4

Tsa'caen tsomba tsu tayopi'su Chiga Aya'fa afa'su Isaías qquen tevaenqquia'caen tson: A'i aya'fama qui paña'faya a'i menia'ñe qquen fundo'je'choma: “Na'su jiya'chove ñoña'faja. Tise tsaiquima tansianqquia'caen ñoña'faja.