2 Reyes 17:20 - Cofán: Chiga Tevaen'jen

²⁰ Tsa'caen tson'fasi tsu Na'su Chigaja poi israendeccuma cati. Catipa tise'pama vanaemba afe patsusundeccunga. Nane tsa'caen tsu tisu'ye joqquitssian.

2 Reyes 17:20 ပူးပေါင်းရင်းမြစ်များ

2 Reyes 17:15

Na'su Chiga tise'pa tayopi'su ccasheyendeccui'ccu fae'ngae injancco'fa'choma catipa tise manda'choma'qque chi'ga'fa. Tsa'caen “¡Tson'fajama!” qquen Chiga su'ni'qque pañambiqquia'caen tsincon'fa. Nane “¡Faesu pporotsse can'jen'cho aindeqquia'caen tson'fajama!” qquen Chiga se'pi'ni'qque tsendeccunga ma'depa barembi'choa ñoña'cho chigandeccuma iñajan'fa. Tsa'caen iñajamba tsu tise'pa'qque barembi'choa've da'fa.

2 Reyes 17:18

Osefa'poe Na'su Chigaja ñoa'me iyicca'yepa Israelma tisu'ye joqquitssian. Judáyi tsu ccusha.

2 Reyes 24:3

Nane Judá na'su Manasés'ye osha'cho egave tson'chone Na'su Chigaja iyicca'yepa tisu'ye Judáma joqquitssiañe in'jamba tsa'caen tson.

Nehemías 9:2

Tsomba faesu andesundeccu'ye joqquitssipa ccutsu'fa tisupa egae tsincon'choma toya'caen tise'pa tayopi'su coenzandeccu egae tsincon'choma'qque Chiganga condaseye.

Salmos 51:13

Tsayita gi que manda'choma in'jangae tsinconsundeccunga atesiaña. Qque'chondeccu'qque tsu ccase quema in'jan'faya.

Jeremías 7:15

Nane que'i antiandeccu tsa israe'su Efraín aindeccuma tayoe joqquitssianqquia'caen gi que'ima'qque ña'ñe joqquitssiaña.’ ”

Oseas 1:6

Can'jemba Gomerja ccase surie dapa pushesu du'shuve isu. Isusi Na'suja Oseasnga su: “Va pushesu du'shuma Lo-ruhamame inisianjan, Ña israendeccuma mendeyeya'bi qquen canjaeñe. Toya'caen tise'pa egae tsincon'choma joqquitssiaña'bi gi.

Jonás 1:10

Qquen supa Jonásja tisu Na'su Chigama ccuyapa jayi'choma conda. Tsa'caen tise su'je'ni barcoma angasundeccuja ti'tsse shave'pa jangi'choma atte'fa. Tsonsi ñoa'me dyopa ccase iñajampaña'fa: —¿Jongoesie qui tsa'caenjan tsincon? ¿Ma'caen gi quema tson'faya cuintsu shave'pa pasaye?

Jonás 1:3

Tsa'caen susi Jonásja Na'suma pañañe in'jambipa Jopeni ja tsene Na'suma ccuyacañe. Tseni japa atte tayo barco Tarsisni jaye tson'jen'choma. Attepa pasajema afepoemba barconga otse Tarsisni jaye.

Mateo 25:41

Tsomba tsu na'suja tise pavefani ccutsu'chondeccuma suya: “Ña'ñe joqquitssipa si'nge anchanda'je'chonga tsangae ja'faja. Cocoya na'sune tisema shondosundeccune'qque tsu si'nge anchanda'je'chove tayo ñoña. Tsama Chiga que'ima'qque chi'gasi tseni japa tsangae can'jen'faja.

2 Tesalónica'su 1:9

Tsendeccuma tsa'caen oquesi tsu Na'su'ye joqquitssipa tsangae catiye'faya. Na'su osha'cho joccapitssia'ma canjan'jen'ni'qque atte'faya'bi.

Jueces 2:14

Tsa'caen tson'fasi Na'su Chigaja tise'pama iyicca'yepa antte cuintsu ccanambandeccu jipa osha'choma cca'nasi tise'pa pporotsse canjen'su iyiccosundeccu'qque jisi oshambi'e dapa patsuye'faye.

1 Samuel 15:23

Chiga su'choma chi'ga'cho tsu cocoyama iñajanqquia'caen tson'cho. Tisuyi in'jan'cho tsu ñoña'cho chigama in'janqquia'caen tson'cho. Nane que tise su'choma chi'gasi tsu quema ande na'suve an'biañe chi'ga.

1 Samuel 16:1

Tsonsi Na'su Chigaja Samuelma su: —¿Mi'nge'e qui Saúlne ñombi'ye? Tsangaeyi gi chi'ga tise ande na'suve ti'tsse can'jeñe. Tsa'cansi queja que aseitema angaqque'su can'chonga aseitema on'boemba jaja Belén canqqueni. Tseni nepipa Isaí tsaoni jaja. Nane tayo gi in'jamba ttu'se fa'e tise dutssiyendeccu'su cuintsu Israel na'suve daye.