2 Reyes 17:18 - Cofán: Chiga Tevaen'jen

¹⁸ Osefa'poe Na'su Chigaja ñoa'me iyicca'yepa Israelma tisu'ye joqquitssian. Judáyi tsu ccusha.

2 Reyes 17:18 ပူးပေါင်းရင်းမြစ်များ

1 Reyes 11:13

Toya'caen pa'cco manda'je'choma itsaya'bi gi. Nane fae naccuve gi tisenga antteya. Nane ñama shondo'su David'yema toya'caen ña in'jamba afa'cho Jerusalén canqquema injan'jemba gi fae naccu'su israendeccuma tisenga antteya.”

1 Reyes 11:32

Tsa'ma ñama shondo'su David'yema injan'jemba toya'caen Jerusalén canqquema, tsa ña poi israe'su aindeccu'su canqque'ye in'jamba isu'chondeccuma, injan'jemba gi fae faesu naccuve Salomónga antteya.

1 Reyes 11:36

Tise dutssi'yenga gi fae naccuve afeya cuintsu pasambe'yi ñama shondo'su David omba'su dutssiyendeccuja ña in'jan'cho Jerusaléni manda'je'faye. Tsenima gi tayo in'jamba su ña inise can'jeña'chove.’ ”

1 Reyes 12:20

Jeroboam tsa'caen Israel andeni toequi jisi poi israendeccu pañamba tisema ttu'se'fa cuintsu bo'fa'chonga jiye. Jisi tisema na'suve tson'fa cuintsu poi israendeccuma mandaye. Jo'su Judá aindeccuyi tsu David manda'choma in'jamba Roboamma paña'fa.

1 Reyes 8:46

“Toya'caen que aindeccu tsu quenga egae tsincoña. Nane poiyi'cco a'i tsu egae tsincon'fa. Egae tsincon'faninda qui iyicca'yepa tise'pa enemigondeccunga afeya cuintsu patsupa indipa tisupa andeni anga'faye; nane pporotsse tsambi'ta biani cuintsu anga'faye.

2 Reyes 17:6

Osefa'poe Oseas nueve canqque'fa Israel na'suve dapa can'jensi Asiria'su na'su Samariama patsu. Patsupa poi a'ima indipa Asiriani anga. Majama Halahni angapa cutsian cuintsu tseni can'jeñe. Majama Gozán naini angapa Haborni cutsian cuintsu tseni can'jeñe. Toya'caen majama cca'tti'su medondeccu canqqueni anga.

2 Reyes 24:3

Nane Judá na'su Manasés'ye osha'cho egave tson'chone Na'su Chigaja iyicca'yepa tisu'ye Judáma joqquitssiañe in'jamba tsa'caen tson.

Salmos 51:13

Tsayita gi que manda'choma in'jangae tsinconsundeccunga atesiaña. Qque'chondeccu'qque tsu ccase quema in'jan'faya.

Jeremías 7:15

Nane que'i antiandeccu tsa israe'su Efraín aindeccuma tayoe joqquitssianqquia'caen gi que'ima'qque ña'ñe joqquitssiaña.’ ”

Josué 23:15

Tsa'ma ñotsse in'jan'faja: Na'suja que'ima ñotsse tsonqquia'caen que'ima ñoa'me egae tsoñe osha. Nane que'i Na'sui'ccu injancco'fa'choma pañambipa ñotsse tsombi'ninda tise tayoe ñoa'me su'choi'ccu egae tsoña'chove su'choi'ccu tsu tsoña. Que'i tsa'caen tisema pañambipa faesu chigandeccuma'qque ccarupa iñajan'ninda tsu Na'suja que'ima iyicca'yeya. Iyicca'yepa osha'choi'ccu que'ima vanae'jemba ñoa'me que'ima sefaeña cuintsu ni fae'cco que'iyi va tise afe'cho ñotssia andeni can'jembe cañe. Nane ñoa'me metsse qui sefa'faya.”