2 Reyes 17:15 - Cofán: Chiga Tevaen'jen

¹⁵ Na'su Chiga tise'pa tayopi'su ccasheyendeccui'ccu fae'ngae injancco'fa'choma catipa tise manda'choma'qque chi'ga'fa. Tsa'caen “¡Tson'fajama!” qquen Chiga su'ni'qque pañambiqquia'caen tsincon'fa. Nane “¡Faesu pporotsse can'jen'cho aindeqquia'caen tson'fajama!” qquen Chiga se'pi'ni'qque tsendeccunga ma'depa barembi'choa ñoña'cho chigandeccuma iñajan'fa. Tsa'caen iñajamba tsu tise'pa'qque barembi'choa've da'fa.

2 Reyes 17:15 ပူးပေါင်းရင်းမြစ်များ

1 Reyes 11:11

Tsa'cansi Na'suja Salomónma su: “Que injama'choni tsa'caen in'jamba ñai'ccu injancco'fa'choma catipa ña manda'choma pañambisi gi Israel na'suve manda'je'choma que'ye itsapa majan quema shondo'sunga afeya.

2 Reyes 17:8

Somboemba faesu aindeccuma tteyamaña cuintsu israendeccu tise'pa andeni can'jeñe. Tsa'ma tsa faesu aindeccu mandaqquia'caeñi tsu Israel nasundeccu'qque egae tsincomba manda'fa. Tsa'cansi tsu Na'suja ccase tise'pama vanae.

Salmos 78:10

Chiga tise'pai'ccu condasecco'choma catipa tise manda'choma'qque pañambipa in'jangae canse'fa.

Éxodo 16:28

Tsonsi Na'su Chigaja Moisésnga su: —¿Mi'nge'e'qque qui ña atesian'choma pañambiqquia'caen ña manda'choma tson'fambi?

Levítico 26:15

ña su'choma chi'gapa ña manda'choma'qque barembi qquen su'fa'ninda– ña manda'choma ñotsse pañambipa tsa'caen ña que'i'ccu injancco'choma cati'fa'ninda–

Jonás 2:8

Ñoña'cho chigave in'jan'chondeccu tsu quema chi'ga'fa.

Juan 2:8

Jesúsja su: —Ja'ño re'riccoe ichhoipa fiesta na'sunga cui'ñajan. Tsa'caen tson'fasi

1 Corinto'su 8:4

Tsa'caen tsonsi ¿aña ti gi chiga'ca'me ñoña'chonga afe'cho aña'choma? Atesu'fa gi tsa ñoña'cho chigaja ñoa'me chigambi tsu. Qquendya'pa mechopa ñoa'me jimbi'tssi tsu va andeni. Toya'caen gi in'jan “Fae Chigayi tsu jin. Faesuja jimbi.”