14 Tsa'ma aindeccuja paña'fambi. Nane tise'pa tayopisundeqquia'caeñi tsosinambipa Na'su tise'pa Chigave in'jan'fambi.
Omboe ñotssia andema chi'gapa Chiga ñoa'metsse su'choma'qque in'jan'fambi.
Nane israendeccuja Chigave in'jambipa tise fuiteye in'jan'chove'qque in'jan'fambisi tsu tsa'caen oque cati.
Tsa'ma Chiga tsa'caen tson'ni'qque tise canjen'choma in'jambipa toya tsu aindeccuja egae tsincomba canse'fa.
Tsa'caen in'jamba cansepa tise'pa tayopisundeqquia'can'faya'bi. Nane tise'pa tayopi'su coenzandeccuja tsosinai'ccu pañambipa injama'choni'qque in'jambipa Na'su Chiga in'jan'chove tson'fambi.
Tsonsi Na'su Chigaja Moisésnga su: —¿Mi'nge'e'qque qui ña atesian'choma pañambiqquia'caen ña manda'choma tson'fambi?
Toya'caen tsu Na'su Chigaja Moisésma su: —Tsendeccuma attepa gi in'jan tise'pa pañambiqquia'caen tsincon'fa'choma.
Ja'faja. Nane tseni tsu chocho, tuño cuñajun'cho'qque tsa'qquia'caen sombo'je'cho ande. Tsa'ma ñajan que'i'ccu fae'ngae jaya'bi gi in'jamba'qque que'ima utu tsaiquinga sefaensa'ne. Nane que'ita qui ñoa'me injiengembitssi'fa.
Tsa'ma tise injama'cho, toya'caen tise in'jan'cho poiyi'ccoma patsu qquen in'jansi Chigaja tise dyaipa'cho'ye joqquitssiamba tise ñotssiama'qque joqquitssian.
Tsa'ma ti'tsse tisema ttu'sesi ti'tsse tsu tiseja ccaningae ja. Nane ña aindeccuja afopa'cho chigandeccunga osha'choma afepa ñoña'cho chigandeccunga'qque ñome'bama oque oraen'fa.
Tsa'ma que'ija toyayi qui injama'choi'ccu in'jan'fambi. Tsonsinai'ccu'qque pañambipa qui injama'cho'qque atesumbindeqquia injama'choa'cañi'fa. Toyayi qui Chiga Qquendya'pama pañambiqquia'caen in'jan'fambi. Ñoa'me qui tayopi'su a'ia'cañi'fa.
Chiga tsa'caen susi, faengasundeccu, injama'tse que'i'su majandeccu tise'pa injama'cho egasi Cansia Chigama catipa in'jan'fambisa'ne.