Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Reyes 17:13 - Cofán: Chiga Tevaen'jen

13 Tsa'caen tson'jen'fasi Na'su Chiga poiyi'cco tise aya'fama afasundeccu toya'caen tise canjaen'choma attesundeccuma in'jaensi tsu israendeccu toya'caen judándeccuma manda'fa cuintsu tise'pa egae canse'choma cati'faye. Nane Chigaja Israel tayopi'su antiandeccunga tise manda'cho toya'caen tise atesian'choma'qque tayo conda tisema shondo'su Chiga aya'fama afasundeccui'ccu.

အခန်းကိုကြည့်ပါ။ ကော်ပီ




2 Reyes 17:13
47 ပူးပေါင်းရင်းမြစ်များ  

Tsonsi Na'su Chiga tise aya'fama afa'su Jehúma in'jaensi tsu Jehúja, tsa Hanani dutssi'ye, Baasanga Chiga egae tsoña'chove afapa Baasa antiandeccunga'qque afa. Nane Jeroboambaja egae tsinconsi Chiga tise'pa egae tsincon'choma chi'gapa sefaenqquia'caen tsa Baasa tson'choma'qque chi'ga.


Osefa'poe Na'suja tayo tisema shondo'su Chiga aya'fama afasundeccuma afaemba tsa'caen israendeccunga condapa tisu'ye tsendeccuma joqquitssian. Tsa'cansi tsu israendeccuja tise'pa ande'ye joqquitssipa Asiria andeni angayepa tseni canse'fa. Toya tsu ja'ñopan tseni canse'fa.


Egae tsincomba shacaen'ninda tsu tsama joqquitssiaña'cho. Se'pija que tsaoni jongoesu egae tsincon'cho can'jensa'ne.


Tsa'ma ti'tsse tisema ttu'sesi ti'tsse tsu tiseja ccaningae ja. Nane ña aindeccuja afopa'cho chigandeccunga osha'choma afepa ñoña'cho chigandeccunga'qque ñome'bama oque oraen'fa.


Israendeccunga, griegondeccunga'qque gi condase cuintsu Chiga in'janqquia'caen tise'pa egae tsincon'choma catipa ingi Na'su Jesucristove in'jamba canse'faye.


Majan a'ija su'fa “Na'su Chiga tsu tise su'choma vasuitsse tsoña.” Tsa'ma Na'suja tsa'caen vasuitssembi tsu. Tiseja ingima mende'yepa ronda'je. In'jambi tsu fae a'iyi'qque tsangae pa'faye. Tsa'ma Tiseja poiyi'cco a'i tise'pa egae tsincon'choma catiye in'jamba ronda'je.


Toya'caen gi que'inga su: Ña gi Na'su que'i Chiga. Tsa'cansi ja'ño amorreondeccu andeni can'jen'an'qque tise'pa chigandeccuma iñajan'fajama. Tsa'ma que'ija ñama paña'fambi.’ ”


Na'suja tise aya'fama afa'suma moesi qquen su: “Qquen tsu Na'su israendeccumbe Chigaja su: ‘Ña gi Egipto'ye que'ima somboen'su, tsa que'i tsangae sema'suve da'cho ande'ye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ