2 Pedro 2:15 - Cofán: Chiga Tevaen'jen

¹⁵ Tansintsse su'choma catipa qque'fa. Tayopi'su Chiga Aya'fama afa'su Balaamcan'fa tsu. Balaamjan Beor dutssi'ye, egae tsincomba ganañe in'jan.

2 Pedro 2:15 ပူးပေါင်းရင်းမြစ်များ

1 Reyes 18:18

Tsa'ma Elíasja su: —Ñajan Israelma noñangian'sumbi gi. Tsa'ma que toya'caen que aindeccu Na'su Chiga manda'choma catipa Baal chigandeccuma iñajamba qui Israelma noñangian'fa.

1 Reyes 19:10

Pañamba Elíasja su: “¡Na'su Chiga, queja Osha'choma Oshacho! Anttembe'yi gi ñajan quema ñotsse in'jan. Nane israendeccuja que tise'pai'ccu condasecco'choma chi'gapa quenga afeye oque'je'choma asitta'fa. Toya'caen matichi'ccu tsu que aya'fama afasundeccuma fi'tti'fa. Tsa'caen tson'jen'fasi fae, ñañi gi, que aya'fama afa'suja toya canse. Toya'caen tsu ñame'qque ja'ño ttatta'je'fa ñama fi'ttiye.”

Números 22:23

Tsa'caen mandasi sefacconi'su shondo'su matichi'ccu tsaiqui enttingeni ccutsu'choma attepa boroja tse'ttima tsaiqui ccafae panshan. Tsa'ma tsa'caen anga jisi Balaamjan boroma ma'ppi cuintsu ccase tsaiquini angaye.

Números 22:28

Tse'faei'ccuyi Na'su Chigaja boroma afaensi a'ia'caen afapa Balaamma qquen su: —¿Jongoesuma gi tson? Vai'ccuta qui tres se tayo ñama ochhai.

Números 22:32

Tsa'ma Na'su Chigama sefacconi'su shondo'suja su: —¿Jongoesie qui que boroma tres se ochha'chha? Ña gi ji tsaiquima ttuye que in'jamba jayi'cho ñane ñotssimbi'si.

Números 31:16

Tsendeccu Balaam su'choma pañamba tson'fa israendeccuma qqueñañe. Nane qqueñasi israe'su tsandiendeccu Na'suma catipa Baal-peorma iñajamba tsa pushesundeccui'ccu egae tsincon'fa. Tsa'caen tson'fasi Na'suja paqque'sui'ccu israendeccuma vanae.

Mateo 26:9

Nane ñome'bama chavaen'choecan'da tsain'bio corifin'dima isupa va'chandeccunga afeya'an.

Tson'fa'cho 1:18

Tsa'ma Judasja nasipama chava tise egae tsomba gana'cho corifin'di'ccu. Tsomba omboe tsoveningae andenga amppisi tise ttopaja chittain ja.

Tson'fa'cho 13:10

su: —¡Que qui afopa'cho, injamambi, cocoya na'su in'jan'cho! ¡Pa'cco ñotssiane qui chi'ga'cho! ¿Mingapa qui anttembe Na'su Chiga tansintssia tsaiquima dañoqquia'caen Tisene atesian'jen'choma daño'jen?

2 Pedro 2:13

Faesuma vanaeqquia'caen tsu tise'pa'qque vana'faya'cho. Tise'paja junde avujatssiye in'jamba enttinge a'ta pa'o caña'jen'ni egae tsincon'fa. Nane tsendeccuja que'i'ccu an'jemba tsu que'ima afopoemba avujatsse in'jangae tsincon'fa.

Judas 1:11

Tsendeccuja va'chandeccu tsu. Caín tsonqquia'caen tsu tsincon'fa. Nane corifin'dima ganañe in'jamba tsu Balaam'caen tansintsse su'choma qque'fa. Toya'caen Coré, Chiga tisenga manda'choma chi'gapa paqquia'caen tsu tsendeccuja pa'faya.

Canjaen'cho 2:14

Tsa'ma re'riccone gi quema iyu'uya. Tse'tti Pérgamoni tsu can'jen'fa majan a'i Balaam atesian'chove in'jan'chondeccu. Tayopi'su Balaam faesu ande'su na'su Balacma atesian ma'caen israendeccuma qqueñamba patsuye. Tsa'caen atesiansi qqueñasi afopa'cho Chiganga afe'cho aña'choma amba egae tsincon'fa. Toya'caen cca'i'su pushesundeccui'ccu injanga can'jemba tsa'caen egae tsincon'fa. Majan Pérgamosundeccu'qque tsa'caen canse'fa.