2 Corinto'su 6:17 - Cofán: Chiga Tevaen'jen

¹⁷ Toya'caen cca'ttinga Na'su Chigaja su: Tise'pa'ye sombopa attufaccopa canse'faja. Tise'pa egae tsincon'chonga'qque catse'fajama. Ñani jisi gi que'ima in'jamba

2 Corinto'su 6:17 ပူးပေါင်းရင်းမြစ်များ

Esdras 6:21

Poiyi'cco Babiloniane ji'cho israendeccu tsu Chiga Pashaen'chone injienge'cho fiesta aña'choma an'fa. Toya'caen poiyi'cco majan tayoe israembindeqquiai'ccu can'jemba tsendeqquia'caen egae canse'chondeccu'qque, ja'ño tsa'caen canse'choma catipa, fae'ngae voeyi ji'cho israendeccui'ccu Na'su Israel Chigama iñajan'fa.

Isaías 52:11

¡Sombo'faja! ¡Babilonia'ñe sombo'faja, tsa que'i Na'su ettini jincho'choma anga'chondeccumbe ande'ye! ¡Nane jongoesu egama pporaembe'yi tisuma ñotsse coirapa sombo'faja Babilonia'ñe!

Números 16:21

—¡Joqquitssi'faja va aindeccu ccutsu'ttie! ¡Junde gi tise'pama nepiañe tson'jen!

Números 16:26

Japa poiyi'cco aindeccunga qquen su'fa: —¡Junde joqquitssi'faja va ega aindeccu carpa'ye! Toya'caen tise'pa an'bian'choma pporaen'fajama tise'pa egae tsincon'chone que'i'qque pa'fasa'ne.

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Tson'fa'cho 2:40

Tsa'caen condasepa Pedro ti'tsse'tsse afapa qquen candusiamba su: —¡Ccusha'faja va ja'ño'su egae aindeccu'ye sombopa!

Romanos 15:7

“Chigaja ti'tsse'tssia” qquen canjaeñe in'jamba Cristoja ingima ttu'sepa in'jan. Tsa'caen ingi'qque tisupapora ttu'sepa injancco'faya'cho.

2 Corinto'su 7:1

In'jan'chondeccu, va Chiga ñoa'me su'choma pañamba jinge'su giya'tsse onjonqquia'caen tisupama ñoña'faye. Osha'cho ai'vo egae tsincon'cho, injama'cho egae in'jan'choma'qque cati'faya'cho. Tsa'caen ñoñamba tisuma Chiganga afeqquia'caen Tise'veyi pañaña'cho.

Canjaen'cho 18:4

Faesu aya'fa sefaccone afasi gi paña: ¡Ña aindeccuja! Va canqque'ye sombo'faja, tisei'ccu egae tsinconsa'ne. Tisema cati'faja fae'ngae tisei'ccu Chiga iyicca'yepa vanaeña'chonga vanasa'ne.