2 Corinto'su 6:14 - Cofán: Chiga Tevaen'jen

¹⁴ Fae'ngae Jesúsve in'jambindeqquianga pi'fajama ni tise'pai'ccu fae'ngae jincho'fajama. ¿Ma'caen tsu ño'ame da'choja egae tsincon'sui'ccu fae'ngae semamba canseya? ¿A'tatssiata ti fae'ngae sinttiai'ccu can'jeña? Me'i.

2 Corinto'su 6:14 ပူးပေါင်းရင်းမြစ်များ

Génesis 24:3

tansintsse su'chove afaja que ña mandaqquia'caen tsoña'chove. Nane Na'su tsa sefacco, andema'qque agattoen'su Chiga paña'jen'ni tansintsse suja. Nane antteya'bi qui cuintsu ña dutssi'ye Isaac va ña can'jeni'su Canaán ande'su pushesuma pusheye.

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

Salmos 106:35

Tsa'ma faesu chigandeccuve in'jan'chondeccui'ccu fae'ngae can'jemba tsendeccu in'jan'chove atesupa tsa'caen canse'fa.

Salmos 16:3

Queve in'jamba ño'andeccu va andeni can'jensi gi attepa tise'pa ñotssiave tsonsi tise'pai'ccu avujatssi.

Éxodo 34:16

Tsambi'ta tsendeccu tise'pa onquengendeccuma que'i dutssiyendeccunga anttesi in'jamba'qque tise'pa chiganga iñajañe egae tson'jemba que'i dutssiyendeccuma'qque tsa'caen in'jaensi egae tson'fasa'ne.

Malaquías 2:15

Tsa'ma Na'su Chigaja que'i ai'vo, que'i qquendya'pama'qque an'biamba que'ima fae a'ive tson. Tsa'caen tsu tson cuintsu que'i dushundeccu'qque tise've in'jamba canse'faye. Tsa'cansi que'i injama'choma ñotsse coirapa que'i aishe pushendeccuma ñotsse in'jamba canse'faja.

Juan 7:7

Aindeccuja que'ima chi'gaye osha'fambi. Tsa'ma ñajan tise'pa egae tsincon'choma afa'susi tsu ñamajan chi'ga'fa.

Tson'fa'cho 4:23

Pedro, Juan'qque fettayepa tisupanaccunga ja'fa. Japa pa'tssima conda'fa ma'caen Chigama afa'su nasundeccu, toya'caen coenzandeccu su'fa'choma.

1 Corinto'su 10:21

Osha'fambi qui Na'su Jesús mandapa afe'cho cui'ccuma cu'ipa tse'faei'ccuyi cocoya cui'ccuma'qque cu'i'ye. Na'su Jesús an'jen'choma amba tse'faei'ccuyi cocoya an'jen'choma'qque añe osha'fambi qui.

1 Corinto'su 15:33

Tsa'ma afopoeñembe'yi can'faja. “Egandeccui'ccu can'jensi ñotsse in'jan'choma tsu da'ñoña.”

1 Corinto'su 5:9

Tayo'su tevaen'jenga tevaemba qquen gi que'ima candusian: Egae tsonsundeccui'ccu fae'ngae jacan'fajama ni tise'panga pi'fajama.

1 Corinto'su 6:6

Tsa'ma que'ija “Jimbi” qquen in'jamba faenga'sui'ccu iyicco'ta tenienteni qui ja'fa cuintsu Chigave in'jambi'choa que'ima tansiañe afaye.

1 Corinto'su 7:39

Majan pushesu tsandu'pa tisu tsa'ndu canseite tisei'ccu canseya'cho. Tsa'caen tsu manda'choja manda. Tsa'ma tsa'ndu pasi pushesuja majame in'jan'da faesuma tsa'nduye ñotssi Na'su Cristove in'jan'choma.

Filipo'su 2:15

Tsa'caen tson'ñi'da qui shacaya'bi. Que'ija Chiga dushundeccupa egave mechosi cca'indeccu que'ima afaseye osha'faya'bi. Ja'ño'su aindeccu injanga egae in'jan'fa. Tise'pa injama'cho'qque ega'fa. Tsa'ma que'ija va egae tsonsundeccui'ccu fae'ngae can'jemba ñotssiave chanjunqquia'caen qui can'jen'fa.

Santiago 4:4

¡Que'ija casara'chonaccu'su faesundeccui'ccu canse'su'can'fa qui! ¿Atesu'fambi ti qui va ande'su in'jan'chove in'jan'da qui Chiga in'jan'choma chi'ga'suve da'fa? Nane majan va andeni jincho'chove in'jan'choja Chigai'ccu iyicco'suve tsu da.