2 Corinto'su 4:1 - Cofán: Chiga Tevaen'jen

¹ Chigaja ingima mende'yepa ñotsse tson. Ñotsse tsomba ingima ttu'se cca'indeccunga condaseye. Tsa'caen ttu'sesi gi dyombi'tsse anttembe'yi condase'fa.

2 Corinto'su 4:1 ပူးပေါင်းရင်းမြစ်များ

Isaías 40:30

Nane dusungandeccu'qque quimbiye atesu'fa. Ti'tsse quin'andeccu'qque oshambipa amppi'fa.

Isaías 40:31

Tsa'ma majan Na'suve in'jan'da shacaya'bi tsu cuna quin'sui'ccu canseye. Nane pindo sefani chhajeqquia'caen tsu patsu'faya. Quimbimbe'yi buttoqquia'caen tsu canse'faya. Quin'sui'ccu tsu quimbimbe'yi tsui jacan'faya.

Lucas 18:1

Zutsse Chigama iñajaña'chove tisema shondosundeccunga atesiañe in'jamba condase'choi'ccu Jesúsja condase. Nane a'ija anttembe'yi tsu Chigama iñajaña'cho tise'pa iñajan'choma isuya'ngae.

1 Corinto'su 3:5

¿Majan tsu Apolos? ¿Majan tsu Pablo? Semasundeccu gi. Ma'caen in'jamba Chiga ingima mandasi afasi qui pañamba Jesúsve in'jan'fa.

1 Corinto'su 7:25

Toya casarambindeqquia'ne Na'su Chiga mandambisi gi asi'ttaemba ña in'jan'choma condaye tson'jen. Chiga ñama ttu'sepa fuitesi qui dyombi'tsse ña su'choma pañañe osha'fa.

2 Corinto'su 3:12

Moisésja tise camba'ju chanjun'cho pasaya qquen in'jamba fanangopa jacan. Tsa'caen tsu jacan israendeccu a'tatssia pasa'choma attesa'ne. Tsa'ma ingija va ñotssia pasa'masia injancco'fa'chone atesupa gi dyombi'tsse candusian'fa.

2 Corinto'su 3:6

Tise ingima fuitesi gi Tise a'i'ccu cuname injancco'fa'chone candusiansundeccu. Va injancco'fa'choja tevaemba manda'chombi tsu. Tsa'ma Chiga Qquendya'pa in'jaen'cho tsu. Nane tevaemba manda'cho a'ima ccushaeñe oshambisi a'ija tsama in'jan'da tsu pa'faya. Tsa'ma Chiga Qquendya'pa a'ima qquendyaensi tsu canse'faya.

2 Corinto'su 4:16

Tsa'cansi gi ñoquimbi'fambi. Nane ingi ai'vo pa'ni'qque ingi injama'cho tsu poi a'ta cuname dapa ingima quiñaen.

2 Corinto'su 5:18

Osha'cho va cuna tsu Chigane ji'cho. Cristo pasi Chigaja ingima ñoqui. Toya'caen tsu inginga antte va ñoquian'sune condase'choma condase'faye.

Galacia'su 6:9

Quimbi'fajama ñotsse tsoña'choma. Ni ñoquimbi'fajama. Nane jai'ngae gi taiqquia'caen ñotsse isu'faya.

Efeso'su 3:13

Tsa'camba gi que'ima iñajan: Chigáne ñoquimbi'fajama ñane. Ñajan que'ima in'jamba vana'jen. Que'ine vana'jen qquen in'jamba avujatsse canse'faja.

Filipo'su 4:13

Cristo ñama fuitesi gi osha'choma oshacho.

2 Tesalónica'su 3:13

Faengasundeccu, osha'cho ñotsse tson'jen'choma quimbi'fajama.

1 Timoteoga 1:13

Nane ñajan tayoe ñotsse condase'choma afasepa Cristove in'jan'chondeccuma noñangiamba da'ño. Tsa'ma ñajan toya tise've in'jambipa atesumbe'yi tsa'caen tsinconsi Chigaja ñama mende'ye.

Hebreo'su 12:3

Jesúsma injan'jen'faja quimbipa ñoquimbisa'ne. Egae tsinconsundeccu tsu tisema da'ñomba egae tson'fa. Tsa'caen tsomba tisema fi'tti'fa. Que'i'qque vana'jen'fa. Tsa'ma vana'je'an'qque toya qui tisia'caen pa'fambi. Tsa'camba ñotsse in'jamba tisema injan'jen'faja.

1 Pedro 2:10

Que'ija tayoe fae'ngae in'jambipa tisuyi canse'fa. Tsa'ma ja'ñojan Chigambe aindeccuve qui da'fa. Tayoeja ni majañi'qque que'ima mende'yembi. Tsa'ma ja'ñojan Chiga tsu que'ima mende'ye.

Canjaen'cho 2:3

Anttembe'yi qui ñame in'jamba vana'jen. Vana'je'an'qque toya qui quimbimbi.