2 Corinto'su 3:3 - Cofán: Chiga Tevaen'jen

³ Nane que'ija Cristo tevaen'jen'fa qui. Tsa'cansi Cristo in'jaensi ingija tise tevaen'jenga tevaenqquia'caen que'inga atesian'jen'fa. Atesiansi que'i tsa'caen Cristo in'jan'choma qui canjaen'fa. Cristoja tevaen'ccoi'ccu tevaen'jenga tevaembi. Ni patunga fuchhapa tevaembi. Tsa'ma cansetssia Chiga Qquendya'pa que'i injama'choma in'jaensi tsu Cristo su'cho que'i injama'choni can'jen.

2 Corinto'su 3:3 ပူးပေါင်းရင်းမြစ်များ

Salmos 40:8

Ña Chiga, que in'janqquia'caen tsoñe gi ñoa'me avujatssi. Ña injama'choni gi que atesian'choma an'bian tsa'caen tsoñe.

Éxodo 24:12

Tsonsi Na'su Chigaja Moisésnga su: —Ña can'jen'cho ccotta'cconga ansundepa tse'tti ñame ronda'jeja. Nane quenga gi afeye in'jan dos patufin'dinga ña manda'chove tevaen'choma cuintsu israendeccuma manda'jeye.

Éxodo 31:18

Na'su Chigaja Sinaí ccotta'cco'ye Moisésnga afa nanimba dos patufin'dima afe tise manda'chove tise tsimian'ccoi'ccu tevaen'choma.

Éxodo 32:15

Tsonsi Moisésja Chiga mandapa tevaemba afe'cho dos patufin'dima isupa ccotta'cco'ye andeye ashaen. Nane patufin'dita tsu poifama tevaen'cho.

Éxodo 34:1

Na'su Chigaja Moisésnga su: —Ja'ñojan queyi patuma chattupa ñoñajan dos patufin'dive tayosia'cantsse. Tsonsi gi ña tsanga tevaeña que ttova u'cca'chonga afapa tevaenqquia'cantsse.

Proverbios 3:3

Tsangae tisupapora ñotsse in'jamba tansintsse afapa canseja. Nane andupama aqque'paye oshambiqquia'caen tsama'qque aqque'pambitsse que injama'chonga tevaenqquia'caen an'bianjan.

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Mateo 16:16

Tsonsi Pedroja su: —Queja Cristo. Tsangae canse'cho Chigambe Dutssi'ye qui.

1 Corinto'su 3:5

¿Majan tsu Apolos? ¿Majan tsu Pablo? Semasundeccu gi. Ma'caen in'jamba Chiga ingima mandasi afasi qui pañamba Jesúsve in'jan'fa.

2 Corinto'su 3:6

Tise ingima fuitesi gi Tise a'i'ccu cuname injancco'fa'chone candusiansundeccu. Va injancco'fa'choja tevaemba manda'chombi tsu. Tsa'ma Chiga Qquendya'pa in'jaen'cho tsu. Nane tevaemba manda'cho a'ima ccushaeñe oshambisi a'ija tsama in'jan'da tsu pa'faya. Tsa'ma Chiga Qquendya'pa a'ima qquendyaensi tsu canse'faya.

2 Corinto'su 3:7

Tayopi Chigaja Tise a'i'ccu injancco'fa'cho manda'choma patunga fuchha tevaemba afe. Afesi Moisés Chiga Quitsanga catsepa tsama isusi tise camba'ju'qque chanjun Chiga a'tatssiai'ccu. Nane tsa'caen chanjunsi cca'i israendeccuja Moisés cambajuma cañe osha'fambi. Tsa'ma tsa'caen ñotssiai'ccu jisi jai'ngae tsu a'tatssiaja pasa. Tsa'cansi tsa manda'cho'qque a'ima ccushaeñe oshambipa pasaya. Tsa'ma pasaqque'su tsa'caen a'tatssiai'ccu jipa ñotssisi

2 Corinto'su 6:16

¿Tivei'ccu ñoña'cho chigata ti Chiga ettini jincho? Me'i. Nane Chiga que'i ai'voni can'jensi qui que'ija ñoa'me Chiga etti'fa. (Tsa'cansi ñoña'cho chigaja fae'ngae jinchoye oshambi.) Nane Chigaja que'ine su: Ña gi tise'pai'ccu can'jemba jacaña. Tise'pa Chigave gi daya. Tise'paja ña a'ive tsu da'faya.

1 Tesalónica'su 1:9

Nane tsenisundeccu'qque conda'fa ma'caen ingi que'ini jasi que'i ingima ñotsse in'jamba Chiga Quitsave in'jan'fa'choma. Que'i ñoña'cho chigama qui cati'fa ñoa'me'qque Chiga, tsa Cansia Chigave in'jañe.

Hebreo'su 10:16

Tayopi'su a'i pañambisi gi jai'ngae poiyi'cco Ñame in'jan'chondeccui'ccu tsa'caen injancco'faya –qquen tsu Na'suja su. Ña tise'pama in'jaensi tsu injama'choi'ccu Ña in'janqquia'caen in'jamba tsa'caen ñotsse tson'faya.

Hebreo'su 8:10

Tayopi'su a'i pañambisi gi jai'ngae poiyi'cco ñame in'jan'cho israendeccui'ccu tsa'caen fae'ngae injancco'faya –qquen tsu Na'suja su. Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Injama'choni ñame in'jamba tsu ña a'ive da'faya. Ñajan tise'pa Chiga gi tise'pai'ccu can'jeña.

Hebreo'su 9:14

ñoa'me tsu Cristombe anjampaja ti'tsse bare. Cristoja egae tsincon'masia. Tsangae Jincho'cho Chiga Qquendya'pa tisema quiñaensi se'pimbe'yi, ñotssia oveja sintti'ccoave mechoqquia'caen, tisuma Chiganga afeye pa. Papa tisu anjampai'ccu ingi injama'cho egae tsincon'choma tsangae giyaen. Tsa'caen giyaensi gi tsa egae tsincon'choma aqque'paye osha'fa. Ingi semamba osha'choma afe'choja ingima giyaeñe oshambipa ñoa'me barembi tsu. Tsa'ma Cristo ingima giyaensi gi avujatsse Ñoa'me Cansia Chigama pañamba Tise in'janqquia'caen canse'fa.

Josué 3:10

Tise canjen'choma attepa in'jan'faja ñoa'me cansian Chiga ingi'ccu can'jemba ingima o'tie cananeondeccu, hititandeccu, heveondeccu, ferezeondeccu, gergeseondeccu, amorreondeccu toya'caen jebuseondeccuma'qque metsse tteya mañaña'choma.

Canjaen'cho 2:1

Efeso canqque'su Jesúsve in'jamba bo'fa'choma coira'sunga qquen tevaenjan: Qquen tsu siete cori tuñoma ccutsian'cho enttingeni ccutsu'su, tsa tansinfa'su tiveni siete o'fema i'su'choja su:

Canjaen'cho 2:12

Pérgamo canqque'su Jesúsve in'jamba bo'fa'choma coira'sunga qquen tevaenjan: Qquen tsu poifama tsuiña'cho matichima an'bian'suja su:

Canjaen'cho 2:18

Toya'caen Tiatira canqque'su Jesúsve in'jamba bo'fa'choma coira'sunga qquen tevaenjan: Chiga Dutssi'ye tso'fe si'nge anchandaqquia'caen chanjun'fa. Tise tsu'tte'qque chandi'tssia cu'a yoshava si'ngenga tssutssuqquia'caen chanjun'fa. Qquen tsu tiseja su:

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su:

Canjaen'cho 3:1

Toya'caen Sardis canqque'su Jesúsve in'jamba bo'fa'choma coira'sunga qquen tevaenjan: Chiga siete Qquendya'pama an'biamba siete o'fema i'su'choja qquen tsu su: Que tson'jen'choma gi atesu. Ñoa'me canse qquen tsu poiyi'cco a'i in'jan'fa. Tsa'ma ñoa'me qui tayo pa.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Canjaen'cho 3:22

Majan tsosinapaja Chiga Qquendya'pa Jesúsve in'jamba bo'fa'chonga su'choma ñotsse paña'faja.

Canjaen'cho 3:7

Filadelfia canqque'su Jesúsve in'jamba bo'fa'choma coira'sunga qquen tevaenjan: Tiseja ño'a. Tiseja tansintssia. Tayopi'su Na'su David fetta'je'cho yavema an'biamba jongoesuma fettasi cca'ija tsama piccoye oshambi; jongoesuma piccosi cca'ija tsama fettaye oshambi. Qquen tsu quenga su:

1 Samuel 17:26

Tsonsi Davidja tisei'ccu pporotsse ccutsundeccuma iñajampaña: —¿Jongoesuma tsu afe'faya majan va filisteoma fi'ttipa israendeccu shacama ccucha'nija? ¿Majan gi qquen tsu in'jan va Chigave in'jambi'choaja? Nane tiseja joccapitssia qquen in'jamba tsu Tsangae Canse'su Chigambe sundarondeccuma afase.