2 Corinto'su 11:22 - Cofán: Chiga Tevaen'jen

²² ¿Tsendeccuta ti hebreo a'i? Ña'qque tsa'can gi. ¿Tsendeccuta ti israendeccu? Ña'qque tsa'can gi. ¿Tsendeccuta ti Abraham dushundeccu? Ña'qque tsa'can gi.

2 Corinto'su 11:22 ပူးပေါင်းရင်းမြစ်များ

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 3:18

Tsa'caen susi tsu coenzandeccu quema pañamba quei'ccu fae'ngae egipto'su na'sunga ja'faya. Tsa'caen japa qui na'sunga qquen suya: ‘Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi in'jan'fa ingima antteja tres a'ta pa'cco a'i menia japa oque oraemba ingi Na'su Chiga Quitsanga afeye.’

Éxodo 5:3

Tsonsi Moisés toya'caen Aarónjan su'fa: —Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi tres a'ta pa'cco a'i menia jayi'fa oque oraemba ingi Na'su Chiga Quitsanga afeye in'jamba'qque osha'cho paqque'sui'ccu tsambi'ta matichi'ccu ingima fi'ttiya'chove manda anttesa'ne.

Éxodo 7:16

Cachuipa qui qquen suya: ‘Tsa Na'su Chiga, hebreondeccumbe Chiga tsu ñama moe quenga qquen suye: Antteja cuintsu ña aindeccu japa a'i menia ñama iñajan'faye. Tsa'ma vama'qque que pañambian'da

Éxodo 9:1

Tsa'caen tsonsi Na'su Chigaja ccase Moisésnga su: —Faraónga japa qquen suja: ‘Qquen tsu Na'su, hebreondeccumbe Chigaja, quema su: Antteja ña aindeccuma cuintsu japa ñama iñajan'faye.

Éxodo 9:13

Tsonsi Na'su Chigaja Moisésnga su: —Tu'ija sinte'yi jangipa japa faraónga suja: ‘Qquen tsu Na'su Chiga tsa hebreondeccumbe Chigaja quema su: Antteja ña aindeccuma cuintsu japa ñama iñajan'faye.

Mateo 3:9

Injanga “Tayopi'su Abraham ingi yayasi gi ccusha'faya” qquen su'fajama tisupa injama'choma ñoquiañe. Nane israendeccuja cca'indeccuma bove ñotssimbi tsu. Chiga in'jan'da va patundundu'ye a'ive tsoñe osha Abraham dushundeccuve dapa Chigama shondocañe.

Tson'fa'cho 22:3

—Ñajan israe'su a'i. Ñajan Cilicia andeni, Tarso canqqueni isusi gi vani Jerusaléni jipa coen. Gamaliel –tsa poiyi'cco que'i atesu'cho atesian'su– tsu ñama atesian. Nane pa'cco tayopi'su coenzandeccu manda'choma ñoa'me tansintsse atesiansi gi ñajan Chiga in'jan'chove ñoa'me tsoñe in'jan. Nane que'i ja'ño a'ta Tise in'jan'chove ñoa'me tsoñe in'janqquia'caen gi ña'qque tayoe in'jan.

Tson'fa'cho 6:1

Tsonsi tse'i ti'tsse'o a'i Jesúsve in'jan'chondeccuve dapa bo'fasi griego aindeccu tsu iyicca'ye'fa israendeccuma. Nane poi a'ta osha'choma attufaen'fasi tise'pani'su tsandupajen'chondeccu ñotsse isu'fambi.

Romanos 11:1

Tsomba tse'i ¿ñoa'me ti Chigaja Tise in'jan'cho israendeccuma tsangae cati? Me'i. Ña'qque israe'su a'i. Ñajan Abraham dutssi'yembe Benjamín a'i.

Romanos 9:4

Tsendeccuja ñoa'me tayopi'su ccashe'ye Israe'su dutssiyendeccu. Tsa'cansi Chigaja tise'pama afa “Ña dushundeccu.” Toya'caen Chigaja a'tatssia've tise'pai'ccu can'jen. Chigaja Tise a'i'ccu fae'ngae injancco'fa'choma israendeccunga conda. Tise manda'choma'qque conda. Ma'caen Chigama iñajaña'chove atesiamba jai'ngae ñotsse tsoña'chone'qque condase.

Galacia'su 3:16

Tsa'caen Chigaja Abrahamnga, tise dutssi'yenga'qque jai'ngae tsoña'chone condase. Nane dutssiyendeccu qquen condambi tsu tsain'bio a'i qquen suye. Tsa'ma Dutssi'ye qquen tsu conda. Nane fae'ccoeyi tsu conda. Tsaja Cristo tsu.

Filipo'su 3:5

Ña yayandeccuja ñama isupa ocho a'tangae ña ttonoma chhiyitevaen'fa. Israe'su a'i gi, Benjamíndeccu'su. Ñoa'me gi israendeccu'su Hebreo aya'fangae afa'je'chondeccu'su. Chiga manda'chove in'jamba gi fariseondeqquia'caeñi in'jan.