2 Corinto'su 1:4 - Cofán: Chiga Tevaen'jen

⁴ Vana'jen'fasi Tiseja ingima mende'yepa fuite'je. Ingima tsu fuite'je cuintsu ingi'qque cca'i vanasundeccuma fuite'faye. Nane Chiga ingima fuiteqquia'caen gi tsendeccuma'qque fuite'faya.

2 Corinto'su 1:4 ပူးပေါင်းရင်းမြစ်များ

Salmos 32:5

Tsa'caen dapa gi in'jamba ña egae tsincon'choma quenga conda. Jongoesuveyi'qque a'tumbitsse gi in'jamba su: “Na'sunga gi ña egae tsincon'choma condaya.” Condasesi qui tsa egae tsincon'cho shacama joqquitssian.

Salmos 32:7

Quenga ca'niqquia'caen gi opatsse canse. Queja ñama coira jongoesu ñama dañosa'ne. Ñama qui ttupa an'bian patsuye settapoen'choi'ccu.

Isaías 40:1

Que'i Chigaja qquen su: “Ñoqui'faja, ñoqui'faja ña aindeccu.

Isaías 52:9

Nane Na'su tise aindeccuma mende'yepa Jerusalénma ccushaen'ninda tsu Jerusalén osuipa sheque'cho'qque jangipa fae'ngae avujatsse settapoen'faya.

Juan 14:16

Ña'qque gi Chiga Quitsama iñajaña cuintsu Tiseja faesu Fuite'suma que'inga moeñe. Tsaja tsangae tsu que'i'ccu can'jeña.

Juan 14:18

Que'ima tisuveyi catiya'bi gi. Nane ccase gi que'inga jiya.

Juan 14:26

Tsa'ma Chiga Quitsa tsu Tise Qquendya'pama moeña. Ña'caen tsu tsa Fuite'suja que'inga osha'choma atesiaña. Tiseja que'ima in'jaeña cuintsu que'i osha'cho ña que'inga su'choma injan'jeñe.

2 Corinto'su 7:13

Que'i tsama in'jansi gi injama'choni opatssi'fa. Ingija tsa'caen opatssipa Titoma attepa ti'tsse avujatssi'fa. Nane que'i osha'choma ñoñasi Titoja injama'choni ñoa'me avujatssi. Tise tsa'caen avujatssisi ingi'qque ti'tsse avujatssi'fa.

2 Corinto'su 7:4

Que'i Chigave in'jamba osha'choma oshacho'fa qquen gi in'jan. Que'i tsa'caen tsonsi gi avujatssi. Nane vana'je'an'qque gi que'ine tsa'caen injama'choni opatsse in'jamba toya ñoa'me avujatssi.

Filipo'su 1:14

Toya'caen ñajan piccoyepa tsa'caen Cristove condaseye oshasi tsain'bio Cristove in'jan'cho faengasundeccu'qque ti'tsse Na'su Chigave in'jamba dyombi'tsseyi Chiga Aya'fama condaseye in'jan'fa.

1 Tesalónica'su 4:18

Tsa'cansi va su'choi'ccu in'jaenccopa canse'faja.

1 Tesalónica'su 5:11

Tsa'camba poiyi'cco tisupapora ñotsse su'chonga nafattupa ñotsse injaencco'faja, tayo que'i atesupa tson'jenqquia'caen.

Hebreo'su 12:12

Poe'su'fajama. Tsa'ma quin'sui'ccu Jesúsve in'jamba sema'faja. Dyopa ttun'dundu'je'fajama. Jesúsve in'jamba dyombi'tsse canse'faja.