1 Tesalónica'su 5:18 - Cofán: Chiga Tevaen'jen

¹⁸ Ma'caen que'inga da'ni'qque avujatsse Chiganga afa'faja. Que'i tsa'caen tson'faye tsu Chigaja in'jan que'ija Jesucristombesi.

1 Tesalónica'su 5:18 ပူးပေါင်းရင်းမြစ်များ

Job 1:21

su: —Chu'cco gi va andenga isuye. Toya'caen pa'ta gi chu'cco jaya. Na'suyi tsu pa'ccoma ñanga afe. Toya'caen Na'suyi tsu ñama itsa. ¡Ñoa'me ñotssia tsu Na'su Chigaja!

Salmos 34:1

Pa'cco a'ta Na'su Chigama ñotsse afapa gi anttembe'yi ña aya'fai'ccu tise ñotssiama condaya.

Daniel 6:10

Tsa'caen mandapa na'su tisu inisema tevaen'choma in'jamba Danielja tisu tsaoni ja. Japa tisu anambaccunga ca'nimba Jerusalén canqque jinfa'su ventanama fettapa ccaru dyai Chigama iñajamba tisenga ñotsse afaye. Tsa'caen tsu fae a'ta tres se Chigama iñajamba canse.

Efeso'su 5:20

Tise osha'choma ñotsse afesi Tisema ñotsse afa'faja. Ingi Na'su Jesucristove in'jamba poi a'ta tsu Chiga Quitsama ñotsse afa'faya'cho.

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

Colosa'su 3:17

Que'ija Na'su Jesús a'i'fa qui. Jesúsve in'jamba que'i su'choma su'faya'cho. Jesúsve in'jamba que'i tson'choma tson'faya'cho. Tsa'caen tson'da qui Na'su Jesúsi'ccu fae'ngae Chiga Quitsanga ñotsse afa'faya.

1 Tesalónica'su 4:3

Qquen tsu Chigaja in'jan cuintsu Tise in'janqquia'caen que'i Tisene ñotsse canse'faye. Poiyi'cco a'ima tsu manda tisunga antte'choi'ccuyi can'jeña'cho. Faesui'ccuja can'jen'masia.

Hebreo'su 13:15

Tsa'caen ronda'je'ta tayopi'su a'i poi a'ta Chiganga afe'choma afeqquia'caen jinge poi a'ta Cristove in'jamba Chigane ñotsse afapa iñaján canse'faye. Ingi aya'fai'ccu tsu cca'indeccunga Cristoja ño'a qquen ñotsse condase'faya'cho.

1 Pedro 2:15

Atesumbindeqquia que'ima injanga afasesi Chigaja in'jan que'i ñotsse cansepa tise'pama ziyaen'faye.

1 Pedro 4:2

Tise'paja ai'vo in'jan'choma chi'gapa tsu paya'ngae Chiga in'janqquia'caen canse'faya.

1 Juan 2:17

Va ande tsu pasaya. Va ande'su a'i in'jan'cho'qque pasaya. Tsa'ma majan Chiga in'jan'chove in'jamba tson'choja, tsangae tsu canseya.